Cervo, 23 de agosto de 2018.- O Concello de Cervo está a facer unha aposta importante pola divulgación do patrimonio natural e arquitectónico do municipio.
Deste xeito, a delegación de Medio Ambiente leva meses en contacto con investigadores do Instituto Xeolóxico e Mineiro de España, co fin de poñer en valor a importancia que tivo a canteiría no seu día en San Ciprián.
Froito dese traballo conxunto instaláronse diferentes fitos que referencian a pegada que queda do traballo dos canteiros no pobo; e é que en varias zonas de San Ciprián pódense observar os sinais que foron deixando co paso dos séculos en forma de frontes, bancos de traballo, trincheiras, cuñas e barreños, para extraer os sillares e mampostos cos que construír as edificacións tradicionais da vila.
O pasado venres levouse a cabo unha ruta por este camiño de pescadores de pouco máis de dous quilómetros bautizado como a “Ribeira de Lieiro”. O alcalde Alfonso Villares e a edil de medio ambiente acompañaron a 70 visitantes ao longo do sendeiro.
O investigador do Instituto Xeolóxico e Mineiro de España, Jorge Fernández, foi o encargado de guiar a expedición, ofrecendo cumprida información sobre cada un dos paneis que foron instalados na ruta, que parte das Antigas Fábricas de Salgadura, ata a Praia da Limosa, e remata no punto de partida; e sobre os vestixios que se poden atopar destacando que “en San Ciprián se localizaron unha serie de canteiras e zonas de explotación relacionadas co patrimonio arquitectónico local, aínda que dúas delas chegáronse a explotar de maneira semi-industrial, fornecendo laxas que foron exportadas e que se empregaron, por exemplo, para o empedrado da Praza Maior de Oviedo”.
O rexedor apuntou que “a nosa intención é seguir a traballar por poñer en valor todo o noso patrimonio natural, porque somos un Concello moi rico en historia, e é importante dalo a coñecer e divulgalo a todos os niveis, pero primeiramente entre a nosa veciñanza”.
Villares e Méndez convidan a todos aqueles que desexen pasar un bo momento ao aire libre a que se animen a dar este paseo pola Ribeira e descubran un pouquiño máis sobre o que fomos, pero tamén sobre todo canto pode ofrecer San Ciprián a día de hoxe; e que tamén está recollidos na ruta en diferentes fitos.
O sendeiro conta tamén con placas que conteñen o código QR para que aqueles camiñantes que o desexen poidan acceder facilmente a información ampliada sobre o percorrido.
Desde a delegación de Medio Ambiente habilitouse esta plataforma web na que se pode atopar toda a información ao respecto das canteiras históricas de San Ciprián: https://medioambiente8.wixsite.com/ribeiradelieiro/ruta-de-canteras-canteiras.
O Concello de Cervo levou a cabo unha ruta xeolóxica pola ribeira de Lieiro na que participan 70 persoas
Relacionado
-
O grupo provincial do BNG esixe á Xunta as axudas comprometidas para as produtoras de faba, que teñen que afrontar xa os gastos de nova campaña
-
O PSdeG de Viveiro acusa ao PP “de usar unha sanción como escusa e lembra a débeda millonaria que deixou en 2003”
-
A Xunta reúnese co Concello de Mondoñedo para ampliar e mellorar o servizo de atención temperá
Está organizado pola Asociación Cultural e Artesanal de Mulleres Palilleiras "As Encaixeiras" e conta co apoio do Goberno galego. O porto de Burela é o escenario no que as palilleiras convocadas amosan o seu traballo ás persoas que se achegan. O programa inclúe tamén degustación de empanada de pescada e visitas ao Monte Castelo e á igrexa da Vila do Medio, así como actividades infantís de pintacaras e globoflexia, entre outras.
Con motivo desta celebración, acercouse ao seu domicilio a alcaldesa, Efigenia Maseda, como representante do Concello, para agasallalo cunha cesta de produtos variados. A alcaldesa afirma que “cumprir 103 anos é algo excepcional e merece todo o recoñecemento do Concello”.
Unha nova edición que está organizada pola Asociación Clásicos Mindonienses Mira e Anda e que conta coa colaboración do Concello de Mondoñedo, o Concello de Abadín e os locais de hostalería Finca San Antonio, Perlora e A Taberna da Galiana de Mondoñedo.
Os feitos delituosos tiveron lugar a pasada fin de semana, cando o presunto autor tentou acceder ao interior das instalacións da piscina municipal, ocasionando danos á porta de acceso por un valor de 600 euros. No marco da investigación procedeuse á súa detención ao constarlle unha requisitoria en vigor dimanante do Xulgado do Penal nº 1 de Lugo de detención, comparecencia e ingreso en prisión. A persoa detida foi trasladada para o seu ingreso no centro penal de Bonxe.
Con esta iniciativa, aberta para todas as persoas nadas en 2018 ou en anos anteriores, búscase incentivar á práctica deportiva á vez que poñer en valor uno dos enclaves naturais do municipio. A actividade desenvolverase en horario de mañá de 10:00 a 14:00 horas, e conta cun número limitado de prazas. Por iso, será necesario realizar unha inscrición gratuíta a través dun formulario dispoñible nas redes sociais do Concello. O prazo de inscrición estará aberto ata o luns 2 de xuño ás 14:00 horas. As prazas iranse adxudicando por orde de inscrición.
Na presentación, este luns, participou Leandro Quelle e Rubén Rubiños como membros da Asociación Equina A Medela, organizadora da feira, acompañados polo alcalde, Demetrio Salgueiro, e a concelleira de agricultura, Dolores Meitín. Dende o Concello de Xove convidan a toda a veciñanza e tamén a todos aos afeccionados/as ao mundo do gando a que se acheguen disfrutar dunha xornada familiar dende as 9.30, con importantes premios e sorteo dun poldro.
Os feitos iniciáronse o pasado martes, cando unha patrulla identificpi a unha veciña de Cervo, de 32 anos de idade, a cal, ao observar a presenza dos axentes apeouse do vehículo que conducía, permitindo que o seu acompañante continuase o traxecto. A maneira de actuar de ambos levanto as sospeitas dos axentes, polo que se procedeu a identificar aos dous ocupantes do turismo, comprobando que a persoa que inicialmente o conducía nunca obtivera permiso de conducir algún. Transcorridas menos de 24 horas e, paradoxalmente no mesmo lugar, observouse a un veciño de Mondoñedo de 51 anos de idade, o cal conducía un vehículo malia constarlle unha perda de vixencia do permiso de conducir por esgotamento de puntos. As dilixencias policiais foron remitidas ao Xulgado de Instrución de Garda de Mondoñedo.
