Lugo, 31 de xullo de 2018. A Deputación remitiu xa nos pasados días un informe a SUPLUSA en resposta á solicitude do mesmo, expoñéndolle as varias posibilidades que recollen os propios Estatutos da Sociedade Urbanística Provincial para cubrir a vacante existente no servizo de intervención dende hai xa 2 meses e así poder formalizar o pago das nóminas dos traballadores ante as dificultades que aseguran ter.
O organismo provincial aclarou que os Estatutos de SUPLUSA recollen que en caso de vacante, como neste caso a existente en intervención, esta pode cubrise cun profesional habilitado polo Estado ou por razóns de urxencia cun nomeamento accidental.
En todos os casos, é SUPLUSA a única que pode resolver esta manifestada situación e formalizar o pago das nóminas, máis aínda cando non ten problema de liquidez algún ao contar con fondos millonarios e recibir ingresos pola súa actividade urbanística.
Cómpre aclarar que sería unha ilegalidade que a Deputación asumise isto ao non ter título xurídico. A única responsabilidade do organismo provincial é a de fiscalizar as contas de SUPLUSA, traballo que se esta a levar a cabo.
O Goberno da Deputación considera que “o Partido Popular, que goberna en SUPLUSA despois de moita teima para acadar a maioría e o control desta Sociedade, debería, cando menos, coñecer os seus Estatutos. En caso de coñecelos, claramente os está a omitir cando estes recollen varias posibilidades para cubrir unha vacante como a de intervención, que existe xa dende hai 2 meses”.
“Isto pon de manifesto a ineficacia do goberno do Partido Popular en SUPLUSA que tanto ansiaban ter; ineficacia que os populares tentan ocultar baixo un papel vitimista, empregando aos traballadores da Sociedade e culpabilizando da situación que aseguran ter ao profesional que voluntariamente decidiu renunciar á labor de intervención”.
“É sorprendente que por un lado o goberno do PP en SUPLUSA diga que non pode nin cubrir a vacante de intervención nin pagar as nóminas dos traballadores e, por outro, pretenda que a Sociedade asuma novas competencias como a comercialización de enerxía eléctrica cando legalmente non o pode nin facer”.
Tranquilidade dos traballadores
Para tranquilidade dos traballadores de SUPLUSA, o Goberno da Deputación resalta que a Sociedade ten millonarios fondos económicos nas súas contas e persoal cualificado para efectuar o pago das súas nóminas, seguros ou impostos.
“O goberno do PP en SUPLUSA debería deixarse de espectáculos, manipulacións e escenas teatrais para facerse cargo das responsabilidades que decidiron con moita ansiedade, de xeito voluntario e moito interese asumir na Sociedade Urbanística Provincial. Se non son capaces, deberían deixar SUPLUSA”.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
