Lugo, 25 de agosto de 2018. O Presidente da Deputación, Darío Campos Conde, e o Vicepresidente, Argelio Fernández Queipo supervisaron os últimos traballos de mellora que o Executivo Provincial realizou na estrada LU-P-1904, que une os Concellos da Pontenova e Fonsagrada, e que nesta última intervención tiveron un investimento de 340.000 euros. Campos Conde remarcou que “co remate de acondicionamento deste vial, damos resposta a unha vella demanda veciñal, melloramos así a calidade de vida dos seus veciños e ao mesmo tempo reforzamos seguridade viaria nestes municipios”.
Son traballos que se executaron entre os puntos quilométricos 12,975 ata o 15,750 e que benefician directamente a preto de 6.400 veciños que viven nestes dous Concellos, pois dita estrada é unha vía de comunicación fundamental para a zona ao conectar A Pontenova coa Fonsagrada.
As actuacións que se realizaron, neste vial de titularidade provincial, son a mellora do firme con aglomerado en quente, ao mesmo tempo que se levou a cabo a limpeza de cunetas e ampliación das cunetas, e incrementouse a seguridade da mesma, coa instalación de máis sinalización horizontal e vertical.
Campos Conde reclamou a Xunta de Galicia un “compromiso real cos veciños da Pontenova” e solicitoulle que mellore os 5 quilómetros desta mesma estrada que son da súa titularidade. O Presidente explicou “esta vía xa está totalmente renovada grazas ao investimento feito polo Executivo Provincial. Deste xeito, o Goberno Provincial cumpre cos compromisos adquiridos cos veciños, mellorando as vías que son da súa titularidade, dentro da aposta por unha Deputación rural e coas persoas”.
Pola súa banda Fernández Queipo tamén reclamou á Xunta o arranxo deste vial que transcorre cara á Pontenova, e que da acceso á LU-740 de titularidade autonómica, e que nun total de 17 quilómetros presenta serias deficiencias para circular por ela. “A Deputación xa cumpriu coas súas obrigas, agora tócalle o turno á Xunta, merecemos vivir nun rural con boas vías de comunicación si queremos que os nosos mozos e mozas vivan nel”, resumiu.
Outros investimentos
Ademais o Goberno Provincial tamén esta executando obras de mellora en dúas estradas da Pontenova, concretamente na LU-P-4805 que transcorre de Boulloso, por Dodrin a Figueirua, dende o punto quilométrico 0,800 ata o 3,700 e dende o 5,225 ata o 5,590 rematando tamén os arranxos deste vial; e tamén da LU-P-4808 da Pontenova, por Vilaoudriz á saída da Estrada Nacional 640, dende o punto 0 ao 1,000.
Fíxoo cunha exhibición de ximansia rítmica e de patinaxe artística que tivo lugar no pavillón do CEIP de Cervo e que contou coa participación da alcaldesa, Dolores García Caramés, e do edil de Deportes, David Rodríguez, que fixeron entrega dos diplomas e dun detalle a cada unhas das crianzas que asistiron neste curso ás escolas que tamen contaron con outras disciplinas como voleibol, multideporte ou balonmán.
Será ás 20 horas. Ricardo Aller de Dios é un artista visual cuxa obra se desenvolve entre a fluidez da acuarela e a solidez da cerámica. A súa práctica explora a relación entre o efémero e o permanente, a cor como ferramenta emocional e a conexión entre os elementos naturais e a forma humana. A través da acuarela, investiga a transparencia, a mancha e o azar como linguaxes expresivas, mentres que na cerámica atopa un espazo de construción pausada, táctil e meditativa, en diálogo coa terra e o lume. A exposición poderá visitarse ata o 14 de Xullo.
Entre os participantes destacou a presenza do Excmo. Sr. Bispo de Mondoñedo Ferrol D. Fernando García Cadiñanos. Tamén participaron membros de Cáritas diocesana de Ferrol. O camiño foi un descubrimento para moitos, con paraxes diferente nos seus 7 Km de percorrido.
Dentro das actividades da Concentración de Club de Morgan España, que se está a realizar estes días, tivo lugar unha visita a Mondoñedo que incluíu unha recepción por parte das autoridades municipais. Na mesma, que tivo lugar na Praza da Catedral de Mondoñedo, ao carón destes vehículos históricos, o Alcalde, Manuel Ángel Otero e a Concelleira de Turismo, Patricia Otero Doural, conversaron cos participantes e agasallaron a estes cunha bolsa con materiais sobre Mondoñedo. Tras esta breve conversa, procedeuse a realizar unha visita pola zona histórica da cidade episcopal.
Sami Ashour, natural da localidade de Khan Younis, no sur da Faixa de Gaza, onde reside a maioría da súa familia, é o presidente da Asociación galaico-árabe Jenin, que agrupa a comunidade palestina residente na Galiza. A palestra Sami Ashour pretende achegar un testemuño de primeira man sobre o xenocidio israelí en Gaza e ofrecer unha análise sobre as condicións de vida poboación gazatí.
Este xoves desde o Concello de Cervo achegaron ao alumnado dos dous colexios de infantil e primaria da localidade unha didáctica sesión teatral sobre a importancia de reciclar. O alumnado pasouno en grande "xogando a reciclar" da man de Fanny Medioambiente.
O programa dará comezo o 1 de xullo e ramatará o 29 de agosto en horario de 10:00 a 14:00 h. Levarase a cabo a través dun proxecto de voluntariado xuvenil, que nesta edición conta con cinco persoas voluntarias do Concello.
