Ribadeo, 26 de setembro de 2018.- Mañá dará comezo o obradoiro de emprego Doc-Tic II, financiado pola Consellería de Economía, Emprego e Industria con 154.200 euros e promovido polo Concello de Ribadeo. Esta iniciativa inaugura o novo ciclo de obradoiros sufragados pola Xunta na provincia ao abeiro da última convocatoria.
O delegado territorial da Xunta en Lugo, José Manuel Balseiro, subliñou que este proxecto da continuidade ao labor de dixitalización do fondo documental do concello no que xa traballaron os obradoiros desenvolvidos no municipio nos últimos anos.
Nesta ocasión, a iniciativa proporciona emprego e formación a 16 mozos e mozas menores de 30 anos, nas especialidades de Produción fotográfica e Operacións auxiliares de servizos administrativos e xerais. No obradoiro tamén traballan unha directora, unha monitora de arquivística e xestión documental e outra de dixitalización documental.
O obradoiro estenderase ata finais do mes de marzo e continuará coa dixitalización das “actas capitulares” dos séculos XIX-XX e outros documentos singulares, ao tempo que se avanza na gravación, organización e informatización do arquivo administrativo municipal.
Datos da comarca e da provincia
Nas vindeiras semanas iranse poñendo en marcha outros cinco obradoiros de emprego na Mariña, que están actualmente xestionando os procesos de selección. En conxunto, os seis obradoiros beneficiarán a 14 concellos, suporán a contratación de 140 persoas -116 alumnos e o resto monitores e outro persoal- e requirirán un investimento de 1,3 millóns de euros.
Polo que respecta ao cómputo xeral da provincia, poranse en marcha 20 obradoiros en 50 concellos da provincia de Lugo, cun investimento de 5,5 millóns de euros para 472 contratacións.
Cabe lembrar que na presente convocatoria a Xunta atendeu o cen por cen das solicitudes formuladas polos concellos lucenses.
Entregaron os agasallos a edil de Medio Ambiente, Mali Méndez, e o concelleiro Alfredo Fernández. 1º Premio: Banco de Loiba, de Diego Pérez Dopico. 2º Premio: Bolboretas: sementadoras de vida, de Germán Paleo Navarro e Paz, de Marcial Fernández. TOP CERVO: Ruínas, de Consuelo Fra Fernández e Paz, de Marcial Fernández. Mención especial para Adaoemam A Mariña "por ser sempre tan participativa en todas cantas iniciativas se promoven desde o Concello".
Este 5 de xullo, como todos os primeiros sábados de mes, reclamaron unha vez máis unhas pensións dignas.
Á cita acudiron máis dun centenar de persoas. No espectáculo, que atraeu a un numeroso público, realizouse unha viaxe emocional pola historia do mar galego, fiado a través de relatos reais e cantigas populares interpretadas en directo. A obra recupera vivencias de naufraxios na Costa da Morte, rendendo homenaxe tanto a quen perdeu a vida no mar como a quen quedou en terra: viúvas, orfos e persoas que prestaron auxilio, co obxectivo de que as súas historias non caian no esquecemento.
Resultaron gañadores na Categoría SUB 15: Los Reversos. Categoría Sénior: Doloringues. Entregaron as medallas os edís Alfredo Fernández e Adrián Arias. As actividades seguen o martes, 8 de xullo, coas Noites de Fútbol Praia.
Prolongarase ata a primeira semana do mes de setembro “co obxectivo de axudar na conciliación familiar e laboral ao longo de todo o verán”, explica a súa directora, Raquel Hermida. A Escola de Minitalentos, dirixida a nenos e nenas con idades comprendidas entre os 3 e os 12 anos, abre de oito da mañá a tres da tarde: “os asistentes poden incorporarse ás actividades e talleres ao longo da mañá”.
Tirando sempre de creatividade e imaxinación, tamén aproveitaron para saír a mercar froita ao Mercado que se celebra cada xoves na Praza dos Campos. Unha forma tamén de fomentar a alimentación saudable e a aprendizaxe activa.
Trátase dunha homenaxe que as universidades públicas galegas en colaboración coa Consellería de Educación renden ao estudantado con mellores expedientes de Galicia nas probas de acceso á universidade, sendo necesario acadar nota igual ou superior a 8,5 na fase xeral da PAU. O acto celebrouse na Universidade de Vigo o pasado 20 de xuño, onde lles foron entregados os diplomas que os acreditan como alumnado sobresaínte. Dende o IES de Ribadeo, parabéns aos homenaxeados polos resultados acadados e tamén a tódolos compañeiros e compañeiras que superaron a PAU polo esforzo realizado.
