Burela, 29 de setembro de 2018. En outubro darán comezo unha serie de obras de asfaltado en varias rúas da localidade. Estas actuacións faranse en tramos das rúas Eijo Garay, Suafonte, Pardo Bazán e Nosa Señora do Carme, entre outras. O presuposto rolda os 30.000 euros e o concelleiro Ramiro Fernández Rey agradece á Deputación Provincial a achega para afrontar estas melloras.
O edil de Obras anunciou que “no Concello de Burela vimos de adxudicar nestes días unha obra que consideramos que é importante e que se refire a unha serie de asfaltados en varias rúas que están bastante deterioradas. Estas obras están incluídas no Plan Único da Deputación Provincial e teñen un presuposto que rolda os 30.000 euros”.
Ramiro Fernández Rey detallou que “as actuacións que se van levar a cabo van ser en Eijo Garay, nun tramo que está bastante deteriorado e tamén nos aparcamentos. No primeiro tramo da rúa Suafonte, que ten necesidade de facer un asfaltado en condicións, e tamén imos seguir traballando noutro tramo de Pardo Bazán, que como os anteriores está bastante deteriorado e queremos actuar nel. Outro dos asfaltados farase tamén en Nosa Señora do Carme”.
O concelleiro burelés dixo que “ademais disto imos aproveitar para facer outra serie de actuacións en zonas que temos tamén con problemas de asfaltado. Eu penso que estas obras van mellorar a boa imaxe do pobo en todos os aspectos e a previsión é que dean comezo no mes de outubro”.
Fernández Rey agradece “a colaboración, como sempre neste tipo de obras, da Deputación Provincial, que nos fai unha achega importante para estes temas”.
O edil indicou que “imos ir anunciando cando cheguen as máquinas dos cortes de tráfico que haxa que facer para facilitar ao máximo posible a circulación dos vehículos por Burela”.
En outubro darán comezo en Burela as obras de asfaltado nas rúas Eijo Garay, Suafonte, Pardo Bazán e Nosa Señora do Carme, entre outras. O presuposto rolda os 30.000 euros e están incluídas no plan único da Deputación
Relacionado
-
Barreiros insta á Xunta a rectificar a exclusión dos campamentos municipais do Bono Concilia Familias 2026
-
O Grupo Socialista reclama ao Goberno de Viveiro a limpeza preventiva de sumidoiros, avances nas xestións con Portos de Galicia e unha actuación integral nos viais de Pallaregas–Vieiro
-
San Román de Vilaestrofe celebra as festas do Pilar e do Carme os días 11 e 12 de outubro
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
