Ribadeo, 4 de setembro de 2018. O Partido Popular de Ribadeo critica ao goberno municipal por non dispoñer dos medios técnicos axeitados no Cine Teatro, o que ocasionou problemas importantes e impediu levar a cabo o acto do pregón das festas patronais como estaba previsto. O portavoz popular, Jesús López Penabad, felicita os festexos a ribadenses e visitantes e agradece o traballo da comisión organizadora.
“Desde o Partido Popular, nestes días de principios de setembro nos que estamos, queremos felicitar as festas patronais a todos os ribadenses e visitantes e agradecer á comisión de festas que, por segundo ano consecutivo, organiza as festas patronais de Ribadeo. Xa saben que a partir do ano pasado volveron ao enclave orixinal e este ano volven a ese lugar. Quero agradecer o seu traballo e o esforzo que realizan para sacar adiante estas festas, porque moitas veces, eles mesmos o din, é ingrato andar polas casas pedindo, supoño que haberá un pouco de todo, pero hai que agradecerlles publicamente ese esforzo”, manifestou o voceiro do PP ribadense.
Jesús López Penabad comentou tamén que “con respecto ao acto do pregón hai asuntos que preguntarlle a Alcaldía. Hai darlle os parabéns polo pregón ao pregoeiro e hai que agradecer á Coral Polifónica de Ribadeo o seu bo traballo e profesionalidade, aínda que non son profesionais, para saber saír de problemas, como os que se ocasionaron o día do pregón. Pero parécenos lamentable por parte do Concello, que é o que está utilizando o Cine Teatro na maioría dos casos aínda que sabemos que é da Sociedad Filantrópico Dramática de Ribadeo pero teñen un convenio co Concello para a súa utilización, que teñan os medios técnicos que hai. O outro día pasou o que tiña que pasar; eu non son entendido na materia pero con aquela maraña de cables que había estragouse todo e non se puido rematar o acto como estaba previsto”.
Para o portavoz dos populares en Ribadeo “aquí non hai escusas nin se trata de botarlle a culpa a ninguén, porque non podemos depender dunha soa persoa para que as cousas funcionen. Aquí o que ten que haber é un equipamento en condicións para poder realizar calquera evento no Cine Teatro, ou noutro lugar, pero neste caso no Cine Teatro, que é o que nos ocupa. É o local céntrico por excelencia, onde se celebran concertos da Banda, da Coral e outra serie de eventos nos que son necesarios uns medios decentes, uns medios do século XXI, porque estamos no 2018, que funcionen ben para poder levar a cabo calquera actuación que alí se poida realizar. Pero que vemos alí son equipos antigos e unha maraña de cables, co que non é fácil facerlles funcionar axeitadamente. Quero agradecer o esforzo da traballadora municipal que naquel momento se encontrou co problema e fixo todo o que ela puido, o que estaba na súa man, pero evidentemente con estas armas pouco se podía facer. Pareceunos lamentable e creo que non hai escusas por parte do Concello, que é o que ten que poñer os medios para que estas actuacións poidan chegar a bo fin”.
O PP critica ao goberno municipal de Ribadeo pola falta de medios técnicos axeitados no Cine Teatro que afectou ao acto do pregón das festas patronais
Relacionado
No acto, o autor estará acompañado por Xosé Ramón Veiga, profesor de Historia Contemporánea na USC, e por Francisco Villamil, profesor de Ciencia Política na Universidade Carlos III. A Galicia moderna (1880-1939) desmonta a visión tradicional dunha Galicia rural, atrasada e pasiva no cambio de século, e amosa a profunda transformación económica, agraria e social que viviu o país nese período.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
