A Pontenova 07.10.18. A Praza dos Fornos de A Pontenova, acolleu mais unha vez o mítico Aberto do Ferro, correspondente a segunda xornada da Liga Nacional de Billarda da conferencia NorLeste. Ambiente excepcional con mais de sesenta palanadores presentes para xogar neste encantador recuncho presidido polas torres medievais que semellan ser os fornos de pedra.
Axudaron a dar vistosidade ao encontro algúns compis chegados da conferencia NorOeste, xa veteráns e de recoñecida valía no eido billardeiro (Cotelo, Merche e Julio Vilas do equipo “APB Sta. Marta” de A Laracha e Collazo, Enrique, Juan Carlos e Julio Ponte de “Campo da Feira” de Paiosaco).
O xogo vai de paus e así o demostran os “Carabullo” xa que si na primeira xornada foi Albino o gañador, desta volta foi o seu compañeiro de equipo o “Coroceiro Nacional 2016” Chousa quen se fixo ca Navalla e se sitúa momentaneamente como líder da conferencia. Este fichaxe, mais o de Manu Caldeiro foi unha xogada maestra dos de Ponte de Outeiro que lle fixeron un bo “afeitado” os Bulls de Remourelle.
O segundo da xornada foi Markytos que superou a Muriego nas duas carreiras de desempate.
En donas, Paula continúa en gran forma ainda que desta volta viuse superada por Geni e terceira Sara que tivo unha moi boa tarde.
En equipos, Os Carabullo e Billardeiros Musicais empataron a 82 puntos o que lles permite ser tamén primeiros na xeral si bén son os da Chaira os que lideran por mellor puntuación individual.
Este ano os da mariña non van ter doado manterse como dominadores absolutos da conferencia. O reto que ano tras ano manteñen os outro equipos por destronalos semella o fin posible con este comezo esperanzador. Andaremos e veremos como vai a cousa.
Os terceiros en discordia son os Troitas Bravas que aproveitaron moi ben a irregular tarde dos Chainzos-Cadaval para superalos ampliamente.
As novas fichaxes de Os Bulls, de momento non fan olvidar as ausencias e malia que hoxe estiveron mermados de efectivos, manteñen a súa liña donde Muriego e Jorge están cumprindo con moi boa nota.
Billarda Verde e Polka Miseria son os que menos xogadores aportan e por moi ben que o fagan, que sin dúbida o fan, as puntuacións para o equipo non poden ser moi altas e so lles permiten manter o tipo.
Así pois, rematado o xogo, fíxose entrega dos premios seguintes:
Navalla do artesan J. Rodil para: Chousa, campión do aberto e Geni, mellor en donas.
Forno en cerámica para: Markytosn, segundo e Paula segunda en donas.
Figura en metacrilato para: Muriego, terceiro clasificado e Sara terceira en donas.
½ dúcea de repolos para “Carabullo” como mellor equipo da xonada.
A vindeira xornada será en A Cadeira o sábado 27 deste mes. Parabéns e que siga a festa billardeira!.
As clasifiacións logo desta primeira xornada quedan asi:
Individual:
Chousa (Carabullo) 43 p.
Albino (Carabullo) 42 p.
Daniel (Billard. Musicais) 39 p.
Pepe de Outeiro (Chainzos-cadaval) 38 p.
Manu Pozo (Billard. Musicias) e Sachas (Troitas Bravas) 37 p.
Donas:
Paula (Chainzos-Cadaval) 34 p.
Geni (Billardieors Musicais) 30 p.
Lucia (Remourelle bulls) 9 p.
Equipos:
Carabullo e Billardeiros Musicais 149 p.
Troitas Bravas 145 p.
Este venres, 14 de agosto ás 20.00 horas, terá lugar a presentación do libro "Espiritualidad", unha longa reflexión sobre a dimensión espiritual do ser humano, levada a cabo por 8 autores de diferences orientacións relixiosas, no Local Social do Parque Concepción Arenal (antigo matadoiro) de Ferreira do Valadouro. Estará presente o autor-coordinador da obra Pepe Peinó.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
