O estado do benestar ou a sociedade do benestar é un concepto da ciencia política e económica na que se institúe un modelo social segundo o cal a administración debe prover servizos ós seus cidadáns.
O estado benfeitor ten a súa orixe no ano 1946, despois da Gran Depresión o auxe dos fascismos nos anos 30 e a II Guerra Mundial; deste xeito foi concibido coma un camiño intermedio entre a planificación comunista e o capitalismo salvaxe.
Claus Offe, un dos grandes referentes da escola de Frankfurt, afirmaba que o estado de benestar, xunto coa existencia de partidos políticos en competencia, era o único camiño deica un “capitalismo democrático” ou un “estado de economía mixta.”
Hoxe en día a vella Europa estase a enfrontar a unha realidade que lembra ó pasado: cambio de paradigma económico que inquire a propósito de si é preciso máis capitalismo ou máis intervención.
E con todo este conto vello e gastado aterramos no sistema público de pensións en España.
O goberno determina a actualización das pensións conforme IPC, para asumir os compromisos adquiridos no Pacto de Toledo, e o FMI advirte de que ve en perigo a sostibilidade financeira do sistema público de pensións.
“Non poderá evitarse unha futura redución das pensións, aínda que sexa moderada.” Vai esmorecendo, vítima dos seus propios erros, o estado do benestar.
Debe saber que dos orzamentos xerais do estado o pago das pensións representa o 39 % do gasto total, de lonxe a partida máis significada de todas. Tamén debe saber que as súas aportacións á seguridade social non serven para pagar a súa futura pensión, senón que son as cotizacións sociais dos traballadores do momento as que, nun sistema de reparto coma o noso, se adican a este fin.
Na actualidade existe un ratio de 2,11 cotizantes en activo por cada pensionista e no ano 2017 o déficit anual das pensións ascendía a 18.800 millóns de euros.
Se a taxa de crecemento demográfico segue a caer estímase que no ano 2050 exista unha relación de un traballador en activo por cada pensionista.
Certo é que o futuro a curto e medio prazo ameaza con tempestade. Certo, tamén, que todo aquelo que se ve e prognostica non deixa de ser unha conxectura. Para ben ou para mal o futuro non está escrito.
Estamos a falar das pensións, pero do que ser trata é da supervivencia do estado de benestar, do contrato social de posguerra.
A única táboa de salvación que lle queda ó modelo pasa por un aumento da natalidade, a chegada de traballadores estranxeiros e a incorporación das mulleres ó traballo.
Os días de mañá semellan revoltos, mais non desespere, aínda está todo por facer.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
