Burela, 27 de outubro de 2018. O Concello de Burela rematou estes días as obras de asfaltado na rúa Suafonte, e nas vindeiras semanas continuará nas rúas Nosa Señora do Carme, Pardo Bazán e Eijo Garay. O investimento ascende a 30.000 euros con cargo ao Plan Único da Deputación Provincial. Ademais xa adxudicou o alumeado do campo de fútbol de A Marosa cun investimento de 50.000 euros, e a actuación no parque de Suafonte dotada con 60.000 euros. O Concello acometerá ademais a renovación da rede semafórica da vila.
O concelleiro de Obras, Ramiro Fernández Rey, contou que “hai uns días empezáronse as obras de asfaltado de varias rúas de Burela. A rúa Suafonte, que tiña un tramiño pendente de asfaltar, xa está asfaltada e en perfectas condicións. Nos vindeiros días e semanas seguirán estes traballos en Nosa Señora do Carme, en Pardo Bazán e en Eijo Garay. Eran unhas obras moi necesarias, que están enmarcadas no Plan Único, e van supoñer unha inversión de preto de 30.000 euros dese plan da Deputación”.
Fernández Rey dixo que “ademais imos aproveitar que temos aquí xa as máquinas e imos facer outra serie de asfaltados que facían falta en Burela nalgunha rúa que tiña necesidade de asfaltarse, e con fondos propios imos acometer esas obras”.
O edil burelés explicou que “esta semana tamén vimos de adxudicar a obra do alumeado do campo de fútbol de A Marosa. Recordar que era unha inversión que supoñía preto de 50.000 euros, que tamén estaba enmarcada dentro do Plan Único da Deputación. É unha obra moi demandada polos usuarios do campo de fútbol e esperemos que a final de ano sexa unha realidade, e xa poidamos disfrutar dese alumeado”.
O concelleiro de Obras seguiu a relatar que “tamén dentro do Plan Único xa temos adxudicada a obra do parque de Suafonte, que esperamos que se empece en breve, cunha inversión que se achega aos 60.000 euros. Temos ademais a renovación da rede semafórica de Burela que imos empezar a facela. Tamén imos adaptar á normativa de baixa tensión o alumeado de Burela, que é unha normativa que estamos obrigados a cumprir e esperamos que con esta obra quede lista esa deficiencia que tíñamos no alumeado público”.
Ramiro Fernández engadiu que “ata final de ano en Burela vai haber moitas obras importantes para os veciños e esperamos que causen as menos molestias posibles. En canto aos asfaltados, recordar que durante estes próximos días, dependendo tamén da climatoloxía, vai haber cortes de tráfico e algunha que outra molestia para o tráfico en Burela, así que queremos pedir desculpas e que comprendan que as obras hai que facelas, polo que intentaremos realizalas da mellor maneira e que todo discorra con normalidade”.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
