Santiago de Compostela, 18 de outubro de 18. A Comisión de Pesca do Parlamento aprobou hoxe de forma parcial unha proposición non de Lei presentada polo Grupo socialista para reclamarlle á Xunta un programa concreto de apoio á comercialización de produtos do mar. A iniciativa foi presentada pola portavoz socialista de Pesca, Loli Toja, quen situou á comercialización como “a asignatura pendente da Consellería de Pesca”.
Toja explicou que o goberno galego reduciu a partida orzamentaria dirixida á comercialización de produtos dende 1,2 millóns de euros a apenas 185.000. Esta situación resulta especialmente grave, explicou, cando o programa ao que pertence, o de mellora da calidade produtiva, apenas foi executado nun 37 por cento en 2017 e, ata 30 de xuño de 2018, aínda estaba sen investir o 88 por cento do seu orzamento.
Sinalou que “por moito que a Consellería fale da cadea Mar – Industria, esta é difícil de comprender sen orzamentos, sen respaldo económico”, e puntualizou que “calquera cuestión que se establece como obxectivo da Consellería, sen a correspondente partida orzamentaria, pasa a ser unicamente un brinde ao sol”.
Lamentou que, a pesares de ter apoiado parcialmente a iniciativa, o PP votara contra os apartados que pedían establecer liñas de cooperación coa Axencia Galega de Innovación –Again- para incrementar o valor engadido dos produtos do mar. Tamén vetaron a proposta dirixida a establecer liñas de cooperación co Igape para apoiar o financiamento e a expansión internacional das empresas que elaboran produtos do mar.
Sinistralidade no mar
A responsable socialista criticou o veto do PP a unha proposición non de Lei para pedirlle á Xunta un estudo sobre a elevada sinistralidade no mar, onde a taxa de accidentes aumentaron un 8,5 por cento entre 2015 e 2016, os últimos anos dos que se ten noticia. O total de accidentes pasaron de 979 a 1.072 entre estes dous anos, mentres os graves aumentaron de 42 a 58 e os mortais pasaron de 8 a 12.
Toja reclamáballe ademais ao goberno galego unha análise específica sobre as enfermidades profesionais que afectan a redeiras e mariscadoras, “analizando as súas causas, frecuencia e medidas de prevención”. Sinalou a alta incidencia de trastornos músculo – esqueléticos entre este colectivo, e explicou que o baixo coñecemento deriva en “dificultades para o recoñecemento dunha baixa por continxencias profesionais”.
Texto da iniciativa aprobada hoxe:
-“O Parlamento de Galicia insta ao Goberno galego a elaborar un programa concreto de apoio á comercialización de produtos procedentes do mar, tanto no ámbito estatal como no internacional, dotándoo coa contía orzamentaria suficiente para executalo na súa totalidade”.
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
