Lugo, 30 de outubro de 2018. O Pleno da Deputación aprobou este martes, co non do PP, a proposta do Goberno para mellorar a atención a mulleres con endometriose e a divulgación da doenza para o seu correcto e temperán diagnóstico e tratamento. A Deputada de Benestar, Sonsoles López Izqiuerdo, explicou que “a endometriose é unha terrible enfermidade crónica, hoxe en día descoñécense as causas que a provocan, a dimensión real da súa incidencia e os tratamentos mais adecuados. E todo por culpa dunha terrible ausencia de recursos e de consideración de xénero mantendo crédito en afirmacións tan terribles como que a regra doe, e polo tanto hai que aguantar. Polo tanto, a nosa obriga é cambiar ese paradigma”.
A Deputada de Benestar subliñou que “se trata dunha enfermidade que afecta a mais do 10% da poboación feminina. Unha ou dúas de cada 10 mulleres que coñezan, padecen endometriose. Cerca de 2 millóns de mulleres en España, 60.000 mulleres en Galicia, das cales 9.000 poden estar en situación grave. Isto é unha estimación, porque o principal problema é a falta de diagnose”.
Neste senso, “dende o Goberno da Deputación, o primeiro que pedimos é formación para os nosos profesionais, que non pasen de largo cando vexan os síntomas. Despois, consultas específicas de profesionais que entendan da materia e poidan tomar decisións axeitadas, como, por exemplo, derivar ás consultas multidisciplinares que hai funcionando en España, en Barcelona ou en Madrid. E por suposto ir creando unha propia unidade multidisciplinar en Galicia, que xa hai casos dabondo para xustificala”, subliñou.
Postura en contra do PP
“Ademais pedimos que o PP retorne á postura do día 22 de abril de 2015 na que votou a favor dunha moción na que xa se avanzaba nestes asuntos. Lamentablemente a primavera do ano pasado votaron en contra de ratificar ese acordo… aínda que despois, a primeiros de este mes de outono, din nunha resposta ao Grupo Parlamentario Socialista que xa teñen postas en marcha as medidas adoptadas en aquel acordo. Resposta, evidentemente, feita por unha persoa que non sufre a doenza, porque dicir que en todos os servizos de xinecoloxía de cada EOXI, existe unha consulta específica que permite garantir unha atención de boa calidade ás mulleres con sospeita ou diagnostico de endometriose; dicir que en cada unha delas establécese un circuíto asistencial, no que se inclúe a derivación a outras unidades como son cirurxía ou esterilidade… dicir iso, entre outras afirmacións, cando menos demostra moito descoñecemento da realidade e unha ofensa ás mulleres con endometriose”, apuntou.
López Izquierdo lembrou que “o Grupo Socialista presentou unha enmenda aos Presupostos Xerais do Estado de 2018 para dotar con un millón de euros o Observatorio de Saúde da Muller e dita emenda foi rexeitada polo Goberno do PP. Actualmente, o Goberno central está mellorando o tratamento e codificación da enfermidade na Base de Datos de Atención primaria. Atención primaria que, non podemos esquecer, o Goberno do PP, ten desmantelada e sen medios. Porque ademais de faltarlles formación aos profesionais faltan os medios. As veces un TAC podería axudar no diagnóstico da enfermidade, pero claro, polas tardes non funciona o servizo de raios no Hula, así que se derivan aos privados que teñen equipos de peor calidade e resolución, polo que si xa é difícil ver a endometriose xa me contarán con probas de pouca resolución. Pero bueno, é evidente que a política sanitaria do PP, ten outras prioridades”.
A Deputación colabora coa Asociación QuerENDO
A Deputada explicou que “as mulleres con endometriose teñen moitos problemas para quedar embarazadas e sen embargo non teñen ningunha facilidade para acceder aos tratamentos de fertilidade nos hospitais públicos, por iso pedimos que se fagan melloras neste aspecto. Ao Ministerio pedímoslle que convoque un Consello Interterritorial no que se aborde o compromiso por parte das Comunidades Autónomas no cumprimento destes acordos e que se inclúan na financiación pública os medicamentos que teñen que tomar estas mulleres e que resultan ser moi caros”.
“Dende a Deputación, xa estamos comprometidos coa asociación QuerENDO en solicitar aos Institutos de Investigación Públicos que dediquen esforzos en investigar as causas e os tratamentos desta enfermidade e en traballar pola información e divulgación das características desta enfermidade que pasa por empezar a desnormalizar a dor na menstruación e poñer mais actitude de sospeita na enfermidade, nunca nas mulleres”, apuntou López Izqiuerdo.
“Dende logo, hai que poñer perspectiva de xénero, en todas as políticas, en todas, pero no caso da saúde é urxente para evitar os problemas no diagnóstico de enfermidades como a endometriose, como os infartos, como toda a xestión do embarazo, do parto, da crianza… As políticas carentes de perspectiva de xénero rodéannos, non é suficiente con dicir que somos moi pro igualdade, hai que demostralo. E Igualdade, señoras e señores, non é considerarnos aos homes e as mulleres iguales, porque biolóxicamente non o somos, a igualdade é recibir os mesmos esforzos e consideración na nosa atención”, concluíu a Deputada.
A organización, a cargo da Asociación R.C.M. Amigos de Monte Castelo, abrirá a venda de parcelas os días 21 e 22, en horario de 18:30 a 20:30, primeiro para confirmar as reservas do ano anterior e despois para repartir as libres. O venres terá lugar a misa na igrexa de Vila do Medio ás 20:00 e, xa pola noite, a actuación do grupo Pekados e o DJ Balbi. O sábado comezará coa sesión vermú a cargo de SP The Sound Project, seguida do concurso de disfraces, xogos infantís, tardeo con DJ Pepu, bingo musical con Marisa Prisa e unha verbena con Pantera Rosa e Gin Toni’s. O domingo celebrarase a misa e procesión en honra á Nosa Señora das Marabillas ás 13:00, e a sesión vermú correrá a cargo do dúo Épok. A romaría conta coa colaboración do Concello de Burela, ABSA e Ledicia, ademais de numerosos establecementos locais.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
Villares gabou o traballo realizado e subliñou que “a implicación do tecido social e dos veciños e veciñas é clave para transmitir as tradicións que forman parte da nosa identidade e reforzar os vínculos da comunidade”. Na xornada principal deste xoves destacou a ofrenda floral na honra dos mariñeiros falecidos. O venres e o sábado celebraranse o Festival Folklórico Internacional e o Festival Folklórico Infantil respectivamente, organizados polo Grupo Mistura.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Nesta ocasión contará, ademais de cos anfitrións A Subela, como grupo convidado ao Grupo Folclórico e Etnográfico do Cimeiro, procedente de Soure, en Portugal, que participa dentro dun intercambio cultural. A organización destaca que será unha edición especialmente significativa e anima ao público a non perdela. Terá lugar o 18 de xullo, ás 21:00 horas, na Praza Conde de Fontao, de Foz.
