A Mariña 14-11-18. A CIG-Ensino denuncia o desleixo da Consellaría de Educación que levou a que o CEIP Virxe do Carme sufra graves deficiencias estruturais, así como do mobiliario. Este abandono continuado por parte da Consellaría provocou que o alumnado e o profesorado estuden e traballen nunhas instalacións deterioradas, non axeitadas, non dignas e que condicionan a actividade escolar.
Durante anos a Consellaría ignorou as demandas da Anpa, do profesorado e dos órganos de dirección do centro, que están documentadas, e non se incluíu a reforma dos edificios do CEIP Virxe do Carme no Plan de Dotación de Infraestruturas Educativas.
Como consecuencia da falta de investimentos as instalacións do CEIP Virxe do Carme padecen múltiples eivas: o centro dispón de diferentes edificios que non están unidos por pasarelas cubertas, de modo que alumnado e profesorado está sometido ás inclemencias meteorolóxicas cada vez que cambian de edificio; o centro tampouco dispón de acceso para persoas discapacitadas, cun gran número de barreiras arquitectónicas, que impedirían mesmo a entrada de servizos de emerxencias en caso de ser necesario; o mobiliario é moi antigo e está degradado pola couza; as fiestras e os illamentos non cumpren a función e permiten o paso de auga de chuvia; os tubos e condutos de desaugue están deteriorados e filtran auga, pero o máis grave é que son de fibrocemento cos conseguintes riscos que isto implica polo seu deterioro e reparación. A situación chegou ao punto de que se produciran inundacións nas aulas de educación infantil e o profesorado denunciase sufrir picaduras derivadas da praga de couza.
Lembramos que os edificios que compoñen a infraestrutura do centro foron construídos en 1972, 1976 e 1980, para dar resposta neses momentos ao crecemento da matrícula. E esta situación de provisionalidade e urxencia dalgún dos edificions adquiriu o carácter de definitiva medio século despois. Desde a CIG-Ensino non aceptamos máis parches e por iso instamos á Consellaría de Educación a realizar de modo inminente as actuacións necesarias para un funcionamento digno do CEIP Virxe do Carme, mais consideramos que a construción dunhas novas instalacións son a única solución posible para garantir así o dereito do profesorado e do alumnado a impartir e recibir aulas nun centro seguro, digno e funcional.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
