Burela, 13 de novembro de 2018.- A Consellería de Educación, Universidade e Formación Profesional executará o vindeiro verán a obra de remodelación integral do CEIP Virxe do Carme de Burela, para a que a Administración autonómica reserva un orzamento de preto de 860.000 euros. Así o avanzou esta tarde o delegado territorial da Xunta en Lugo, José Manuel Balseiro, nun encontro mantido coa dirección e representantes da asociación de nais e pais do alumnado do centro.
Balseiro explicou que desde o Goberno galego consideran prioritario acometer unha actuación deste tipo, logo das correspondentes visitas técnicas e de inspección, para mellorar as instalacións do centro e corrixir as deficiencias detectadas. “As obras son urxentes. Anticiparémolas respecto da data inicialmente prevista. Queremos garantir ao conxunto da comunidade educativa, e moi especialmente pensando nos menores que estudan no centro, que dispoñan dunhas instalacións nas mellores condicións, modernas e renovadas, situación que neste momento non se está dando”.
Debido á magnitude das obras a executar, a intención do Executivo autonómico é acometelas este verán, unha vez remate a actividade lectiva, co obxecto de provocar a menor interferencia posible. Con este fin o Goberno galego xa está tramitando os correspondentes proxectos técnicos e de obra.
En marcha a obra de urxencia
Con todo a Xunta ten en marcha, tal e como anunciou, as obras de maior urxencia, dirixidas a corrixir as filtracións de auga nas aulas e espazos de uso lectivo, e que afectan á cuberta, canlóns e baixantes, toda vez que os últimos temporais e un deficiente mantemento municipal contribuíron a agravar a mala situación do centro.
A administración autonómica tamén está en contacto co Concello e a empresa de limpeza para coordinar as labores de limpeza e desinfección e substituirase o mobiliario deteriorado e afectado pola couza por outro novo, xa encargado.
Mellora da eficiencia enerxética
O modelo dos traballos a realizar tomará como referencia os proxectos de remodelación e mellora da eficiencia enerxética que a Consellería de Educación xa realizou noutros centros da provincia, como é o caso do CEP Lois Tobío de Viveiro.
En concreto, está previsto unha renovación e modernización global das instalacións dos tres edificios que compoñen o complexo. Actuarase sobre a carpintería exterior e interior (fiestras, portas, persianas e lucernarias), no illado da fachada, substituiranse as luminarias existentes por unhas de baixo consumo e tecnoloxía LED e tamén hai previstos traballos xerais de acondicionamento interior (falsos teitos, reparación e pintado de aulas) e melloras nos aseos, entre outras.
50 aniversario do centro
O CEIP Virxe do Carme celebrou no ano 2013 o seu 50 aniversario, en concreto a das antigas escolas unitarias emprazadas neste mesmo recinto que deron orixe ao colexio. Na actualidade está composto por tres edificios independentes e un pavillón polideportivo, todos eles de distinta antigüidade. Neste curso académico presenta unha matriculación de 346 alumnos, dos que 97 están cursando educación infantil e 249 máis estudando educación primaria.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
