Ribadeo, 13 de novembro de 2018. O alcalde, Fernando Suárez, solicita a colaboración da Xunta e a Deputación de Lugo para acometer as obras de arranxo do céspede do estadio municipal de fútbol Pepe Barrera. O investimento a realizar, segundo a memoria valorada polos técnicos municipais, ascende a 400.000 euros. O rexedor ribadense ven de enviar documentación á Xunta de Galicia, á Secretaría Xeral para o Deporte e á Deputación de Lugo demandando a colaboración destas administracións para poder levar adiante esta reforma canto antes. Suárez Barcia demanda unha axuda de 175.000 euros á Deputación, outros 175.000 euros á Xunta e o Concello faría unha achega de 50.000 euros. O Ribadeo FC e a SD Ribadeo apoian esta solicitude.
Fernando Suárez manifestou que “é coñecido o pésimo estado que presenta o céspede do estadio municipal Pepe Barrera, en canto a drenaxe, a que ten un chan colmatado que non está nada ben, un desnivel que non é axeitado, etc…, o que provoca que nas épocas de invernía e de auga nestes últimos anos, aínda que non se use dun xeito intensivo, aparezan moitísimos problemas que dificultan o xogo nel. Así é certo que se teñen suspendido, nestes últimos anos, partidos do Ribadeo FC, así como outras moitas incidencias”.
O alcalde explicou que “queremos desde o Concello poñer fin a esta problemática, polo que queremos plantexar a planificación para a actuación neste campo. Faise necesaria a colaboración doutras administracións, dado o elevado carácter desta inversión económica, así como o longo trámite de licitación da obra e a escasa marxe de actuación temporal no caso de que se leve adiante”.
Suárez Barcia dixo que “para todo isto os técnicos municipais elaboraron unha memoria valorada para resolver rotundamente estas problemáticas, e propoñen substituír todo este firme por outro novo, cuns modernos sistemas de drenaxe, cun novo sistema de rego, cun novo céspede e cun novo alumeado. Evidentemente o custo tampouco é menor, dado que ascende a 400.000 euros de diñeiro público. Iso sería o que se debería investir aquí”.
O rexedor ribadense relatou que “o Concello nin debe nin ten capacidade económica para asumir esta inversión integramente, polo que queremos botar man da Deputación, que sempre nos axuda e eu non creo que desta volta deixe de facelo, e tamén da Xunta, esa gran descoñecida para Ribadeo, polo menos nestes últimos anos, dado que desde o ano 2006 non actúa en inversións deportivas municipais. É dicir, non aparece por Ribadeo máis que para participar nalgún torneo dando medallas, dando trofeos e pouco máis”.
Fernando Suárez engadiu que “hoxe saíu documentación por correo de petición detallada de todo isto, por unha banda ao presidente da Xunta, tamén con copia á secretaria xeral do Deporte e ao presidente da Deputación de Lugo, pedíndolles a cada institución 175.000 euros de colaboración, á Xunta e outro tanto á Deputación, e 50.000 euros sería a achega que está disposto a asumir o Concello, totalizando así os 400.000 euros de inversión. Ademais coa petición de que, para poder levar a cabo esta actuación, deberán comunicalo nos vindeiros días se van botar unha man ou non, posto que os convenios económicos deberían estar asinados antes de que acabase este ano, para poder licitar as obras a principios do 2019 e para que puideran estar adxudicadas e listas para actuar ao remate da tempada, tanto do Ribadeo FC como da SD Ribadeo, aló polo mes de xuño”.
O Concello conta co apoio destes dous clubs: “ademais temos un compromiso destas dúas entidades apoiando este proxecto, polo que agardamos que tanto a Xunta como a Deputación cumpran, porque de non facelo non lle van fallar ao Concello senón que lle fallarán a este deporte tan importante, como é o fútbol, en todas as súas categorías desde os máis pequeniños ata os veteranos, pasando polos profesionais que xogan en Preferente Galicia actualmente e con ánimo de subir a Terceira División”.
O Concello solicita a colaboración da Xunta e da Deputación para levar a cabo as obras de mellora do céspede no campo de fútbol Pepe Barrera, que suporían un investimento de 400.000 euros
Relacionado
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
