Primeira xuntanza e constitución do xurado nomeado para fallar o I Premio de Novela Vilar Ponte

Viveiro, 5 de novembro de2018. Este domingo tivo lugar a primeira xuntanza e constitución do xurado nomeado para fallar o I Premio de Novela Vilar Ponte, convocado polo Concello de Viveiro.
Nesta primeira reunión, o xurado -formado por tres persoas vinculadas ao ámbito literario e cultural e unha represente do concello, que actúa como secretaria, con voz e sen voto- realizou unha primeira achega ás obras presentadas e valorou positivamente o alto índice de participación. Cómpre destacar, neste sentido, que se presentaron un total de 36 obras (todas elas admitidas a concurso), unha participación realmente importante que debe valorarse como corresponde tendo en conta, ademais, que se trata da primeira edición.