O Valadouro, 19 de decembro de 2018.- O Alcalde do Valadouro, Edmundo Maseda, criticou este mércores que a Xunta de Galicia, a través de Augas de Galicia, tarda moito tempo en conceder permisos a particulares e ao propio Concello para realizar calquera actuación preto das ribeiras dos ríos. Puxo de exemplo varios veciños que quixeron cortar unhas árbores e agardaron 4 meses ou unha veciña que para pintar a súa casa esperou máis de 6 meses para o visto bo de Augas de Galicia. Ademais, o Rexedor socialista denuncia que todo o que recada o goberno galego dos veciños do Valadouro co canon da auga non reverte nin un euro en novas dotacións ou melloras para o saneamento do municipio.
Edmundo Maseda explicou que dende que o PP impuxo o novo canon, no ano 2012, a Xunta de Galicia non fixo nin un só investimento relacionado coa mellorara dos abastecementos, saneamentos, depuradoras de augas residuais ou os ríos que pasan polo municipio. “Os veciños están moi desgustados porque están pagando relixiosamente os recibos polo canon da auga e non ven ningunha dotación ou obra da que se vexan beneficiados. Non estou moi de acordo en poñerlle un imposto á auga que é un ben de todos pero se resulta imprescindible recadar para manter os servizos básicos, sería xusto un reparto equitativo. O que non é normal é que os veciños paguen por un recibo medio de 40 euros, outros 48 polo canon da auga, e logo por cambiar un canlón do tellado a Xunta encima cóbreche máis de 100 euros en taxas pola autorización da obra. É un abuso e unha inxustiza”.
“Se non chega a ser polas actuacións que dende o Concello e a Deputación desenvolvemos para mellorar a calidade da auga nas nosas parroquias, Valadouro seguiría igual que hai unha década. Con estas políticas do PP baseadas exclusivamente en restricións, o señor Feijóo, que alardeaba que esta ía ser a lexislatura do rural, está obrigando ás persoas que vivimos nel, a marcharnos ás cidades porque non nos deixan nin traballar”.
Os cartos dos veciños para servizos do Concello
O Alcalde do Valadouro explicou que según o canon, todo o recadado debería financiar única e exclusivamente actuacións en materia de abastecemento, saneamento e explotación de depuradoras de augas residuais e xestión dos ríos, tendo coma un dos obxectivos primordiais fomentar o uso racional da auga e o aforro da mesma. O socialista censura que o Partido Popular non compromete en investimentos o ingresado, producindo remanentes que se empregan para outras actuacións diferentes ás estipuladas no canon. “Todo o que a Xunta recada no Concello debería gastarse en servizos para o Valadouro. É o máis xusto”.
Neste eido, os Alcaldes socialistas da provincia de Lugo esixen un Plan Estratéxico de Infraestruturas Hidráulicas deseñado en base a criterios obxectivos e coa participación dos Concellos, no que se recollan actuacións concretas a desenvolver coa totalidade do Canon recadado.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
