Lugo, 11 de decembro de 2018. A Xunta de Galicia distribuíu este ano preto de 20 millóns de euros entre os concellos lucenses ao abeiro do Fondo de Cooperación Local, un orzamento que poden destinar ás obras e servizos da súa competencia que consideren prioritarios.
O delegado territorial da Xunta en Lugo, José Manuel Balseiro, fixo hoxe balance deste programa, que se abona aos concellos en 12 mensualidades e a mes vencido, polo que xa teñen recibido o 92% do total deste ano.
Destacou que se trata dun orzamento que “chega á totalidade dos concellos da nosa provincia” e que se distribúe en base a criterios obxectivos que ademais son pactados con carácter previo coa Federación Galega de Municipios e Provincias.
Entre estes criterios, teñen un peso específico os relativos á poboación -especialmente o número de habitantes pero tamén o número de persoas maiores de 65 anos-, así como a superficie do concello e a cantidade de núcleos de poboación.
Balseiro avanzou que no vindeiro exercicio a Xunta aumentará un 2,5 por cento o Fondo de Cooperación Local, ata os 128,7 millóns par ao conxunto de Galicia, o que significa que haberá 485.000 euros máis para os concellos lucenses.
Polo que respecta ao presente ano, destacou a contía que percibe o concello da capital, 2.846.000 euros, o único da provincia que figura no grupo de de máis de 50.000 habitantes. Establécese un segundo grupo para municipios de entre 15.000 e 50.000 habitantes nos que se sitúan Monforte de Lemos, que recibe 732.750 euros; Vilalba, con 919.250 euros, e Viveiro, con 532.070 euros.
Os 63 concellos restantes da provincia inclúense no terceiro e último grupo, o de municipios de menos de 15.000 habitantes, e reciben en conxunto 14.327.500 euros.
Distribución por comarcas
José Manuel Balseiro explicou a distribución do Fondo de Compensación nas distintas comarcas da provincia.
Así, os 15 concellos da comarca da Mariña reciben 3.800.000 euros; no sur da provincia, os 12 concellos das comarcas de Lemos, Quiroga e Chantada reciben 3.365.000 euros; na Terra Chá e Meira 12 concellos reciben 3.507.000 euros; na comarca de Lugo, oito concellos reciben reciben 4.438.000 euros; os sete concellos da comarca de Sarria suman 1.587.000 euros; os seis dos Ancares 1.261.500 euros; os tres da comarca de Fonsagrada 705.500 euros, e aos tres concellos da Ulloa correspóndenlles 691.000 euros.
Balseiro incidiu en que con estas achegas a Xunta “quere contribuír a que os concellos poidan continuar prestando os debidos servizos á cidadanía, mellorando as condicións de vida que satisfagan as necesidades dos seus veciños e o fagan sen necesidade de ampliar a carga impositiva que soporta a veciñanza”.
“Se hai un goberno que traballa por todos os veciños da provincia por igual, este é o da Xunta de Galicia -afirmou-, que se esforza por satisfacer as necesidades de todos os lucenses, vivan onde vivan, e amosa o seu respecto pola autonomía dos concellos”, que poden destinar estes fondos a obras, servizos, persoal, gastos correntes, e os que eles determinen para gastos e inversións acordes coas competencias municipais.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
