Lugo, 28 de xaneiro de 2019. Preto de 900 atletas federados participaron nas dúas primeiras xornadas da Copa Deputación de Atletismo, trátase dunha competición enmarcada dentro do calendario oficial da Federación Galega de Atletismo, na que poden participar atletas galegos e de calquera outra comunidade con licenza en vigor da Federación Española de Atletismo. As marcas acadadas durante as probas serán validadas no ránking Galego e Nacional como marcas mínimas para a participación noutros campionatos, tanto nacionais como internacionais. O Executivo Provincial fai unha achega de 6.000 para a organización desta cita, facendo posible por noveno ano a súa celebración.
A Copa Deputación aséntase na súa IX edición como unha cita consolidada do atletismo galego, grazas a participación de deportistas de toda a provincia, así como doutras cidades de Galicia, como Ourense ou Ferrol, a Coruña, Vigo ou Vilagarcía.
Na segunda xornada celebrada esta fin de semana nas pistas do Gregorio Pérez Rivera, 5 atletas conseguiron as marcas mínimas para participar nos campionatos de España de diferentes categorías: Javier García, na proba de 60 ML, Adiaratou Iglesias, en 60 ML e en 200 ML, e Estela Fernandez, en 60 MV, participarán no Campionato de España Sub23 que se celebrará en Salamanca os próximo 8-9 febreiro; Lucas Fernández e Jacobo de la Iglesia, lograron a marca mínima para participar na proba de 60 ML, no Campionato de España Sub18 en Sabadell o 10 de marzo.
A próxima fin de semana celebrarase a derradeira das xornadas deste evento deportivo, unha nova oportunidade para que os atletas, de diversas categorías, consigan as súas marcas para participar nos campionatos nacionais e internacionais.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
