Burela, 25 de xaneiro de 2019. O presidente da Mancomunidade de Municipios da Mariña, Alfredo Llano, fai un balance moi positivo do paso da comarca por Fitur. Llano asistiu esta mañá ao acto de Galicia e mantivo un encontro co cónsul de Cabo Verde, Francisco Canaval, e con outras autoridades dese país.
O presidente da Mancomunidade declarou que “onte falei con moita xente, tanto profesionais de touroperadores como xornalistas especialistas en turismo. Estivemos en varias presentacións tanto da provincia de Lugo, a través da Deputación, como da Semana Santa de Viveiro e da Mariña”.
Alfredo Llano lembrou que “tamén aproveitei para falar co ministro de Pesca, que estivo nun acto, e convideino a Expomar para que participara o Ministerio dalgunha maneira, se pode vir o ministro sería unha honra e senón que participe alguén para dar unha conferencia nas Xornadas Técnicas”.
O presidente da Mancomunidade de Municipios da Mariña contou que “falei con varias persoas ligadas a institucións e ao turismo. Tivemos alí moitas conversas para promocionar o que é A Mariña. Hai xente que nos vai visitar na propia Mariña para xerar unha conexión e tratar de promocionar e incluso presentar algo novidoso, algo que lles vai ben aos promotores para ter A Mariña como referencia. Onte foi un día intenso”.
Llano relatou que “hoxe foi a presentación do turismo galego, polo tanto estivo o presidente da Xunta e estivemos con el. Foi unha presentación global e xeral do que é a achega turística que fai Galicia para o mundo, para que veña xente. Fíxose fincapé sobre todo no Camiño de Santiago sexa cal sexa a vertente, que a nosoutros tamén nos afecta polo Camiño Norte. Ademais estivemos falando con caborverdianos, con xente que veu ao noso stand, co cónsul de Cabo Verde, Francisco Canaval, e tamén co embaixador sobre a colonia caboverdiana tanto en Burela como na Mariña”.
A Mariña protagonizou un dos actos que se desenvolveron onte no stand de Galicia en Fitur. Alí presentouse o vídeo realizado por Vagalume Audiovisual no marco do convenio firmado coa Axencia de Turismo de Galicia que se fixo para a ocasión e no que dunha forma dinámica se mostraron os atractivos turísticos da Mariña Lucense: o Camiño Norte de Santiago e o Camiño Natural Ruta do Cantábrico, a natureza e as incribles paisaxes, os deportes náuticos, o sendeirismo, o trail ou a bici de montaña, a gastronomía, o patrimonio cultural, o xeoturismo, as festas e festivais, as praias e costa, a cultura mariñeira ou a artesanía.
Nese acto Alfredo Llano destacou a autenticidade, diversidade e hospitalidade deste destino turístico e fixo un recorrido polo diferentes e principais atractivos tutísticos, falou tamén das audioguías ficcionadas de Mondoñedo, Viveiro e Ribadeo, das Rutas de Artesanía, da cantidade de festas de interese turístico da comarca así como do Resurrection Fest como festival de interese internacional, da riquísima gastronomía ou das visitas guiadas ás lonxas de Celeiro e Burela.
A Mancomunidade en Fitur seguiu mantendo hoxe reunións con catro operadores turísticos co obxectivo de mellorar a presenza do destino e de que inclúan A Mariña Lucense entre a súa oferta, ademais de presentarlles toda a variedade de recursos, produtos e servizos turísticos do xeodestino.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
