Burela 19-1-19. Bo inicio da Tarde Laranxa. O Pescados Rubén Burela FS pecha a primeira volta como campión de inverno tras o contundente 8-1 na visita do pechacancelas de Primeira, Femisport Nou Escorial a Vista Alegre.
Estábano intentando as laranxas e conseguírono coa saída de Dany á pista, no minuto 5, finalizando un pase de Peque. Antes, no 3, Vieites puxo a proba con perigo a Ana Romero, con excelente resposta da murciana. A 3 laranxa volveu estar moi oportuna, servindo de apoio para Cami no segundo gol, que subiu ao electrónico no minuto 8. Aos poucos segundos, Lara Balseiro selou o 3-0 tras un erro de saída das catalás. O pau, no minuto 11, evitou o cuarto local, nas zapatillas de Alves. Bea Mateos celebrou o seu regreso ás pistas no 19 co 4-0. Antes, Cami enfundara a camiseta de porteira xogadora para poñer en práctica algunhas probas de Julio Delgado. O contundente 5-0 chegou a 7 segundos da bucina do descanso, en propia porta de Collado tras rexeite a tentativa de Lara Balseiro.
Femisport recortou a fenda ao comezo da segunda parte, ao minuto e medio de xogo por mediación de Marta. A tan só 20 segundos, o largueiro bloqueou o sexto nun mísil de Alves; a 11 laranxa non se conformou e materializouno na seguinte oportunidade, no minuto 23, cun disparo afastado raso. Con 6-1, a moza Lucía, de Comarcal A Fervenza FSF, saltou á cancha para defender a rede das mariñás; na primeira parte xa o fixera a súa compañeira ferrrolá Claudia. Chegou a avalancha burelista; asediaron a meta catalá Cristina, Luci e Dany; a coruñesa foi a encargada de subir o 7-1, no 26. Alves tivo o oitavo no 36, contra o pau. Peque, asistida por Jenny, asinou o definitivo 8-1, a pouco máis dun minuto para o final.
Ficha técnica
Pescados Rubén Burela FS: Ana Romero, Peque, Cami, Alves, Luci, cinco inicial; tamén xogaron Dany, Lara, Jenny, Cristina, Bea Mateos, Claudia, Lucía
CFS Femisport-Nou Escorial: Mariona, Carri, Marta, Sandra, Vieites, cinco inicial; tamén xogaron Merions, Collado, Anna, Luján
Goles: 1-0, Dany, minuto 5; 2-0, Cami, minuto 8; 3-0, Lara Balseiro, minuto 9; 4-0, Bea Mateos, minuto 19; 5-0, Collado (p.p.), minuto 20; 5-1, minuto 22, Marta; 6-1, Alves, minuto 23; 7-1, Luci, minuto 26; 8-1, Peque, minuto 39.
Árbitros: Novoa García // Guntín Garrido (Galicia). Por Burela, amarela a Jenny (minuto 17); Cristina (minuto 36); Claudia
Incidencias: Partido correspondente á xornada 15 de Primeira RFEF Liga Foro 16 Feminismo disputado en Vista Alegre ante preto de 500 persoas. A Bomboneira gardou un minuto de silencio polo falecemento de Tomás Mateos Ruano, avó da capitá, Bea Mateos.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
