A Mariña, 24 xaneiro de2019. A paciente estivo ingresada en xuño de 2017 cun diagnóstico de miocardiopatía dilatada. Durante o seu ingreso fixéronlle un cateterismo e posteriormente déronlle a alta . Solicitáronlle para completar os estudos un Holter – proba que rexistra a actividade do corazón de forma continua e que detecta alteracións no ritmo cardíaco – que se realizou en agosto do 2017 , e un ecocardiograma , feito en setembro de 2017. A partir de aquí comeza a súa odisea, pois chámana desde o servizo de Atención ao Paciente e dinlle que xa a avisarán para darlle os resultados.
Como o tempo pasaba e non a chamaban decide contactar coa Plataforma Sanitaria da Mariña para que lle axude a facer a correspondente reclamación. Dáselle rexistro o día 3 de outubro de 2018, un ano despois de facer as probas, con número de entrada 4383. A paciente segue sen ser citada a día de hoxe. A maiores empezan a xurdir problemas relacionados cunha medicación que lle mandaron tomar , pois desde xaneiro deste ano “ comezaron a sairme moretóns en diferentes partes do corpo de forma espontánea que me asustan bastante ademáis dunhas vixigas .Sinto naúseas desde que me levanto e estou cansada.Pero esto non é todo, xa que tiven que ir a saúde mental polos ataques de ansiedade e angustia que teño continuamente , xa que vivo con medo pois sei que unha miocardiopatía dilatada é unha enfermidade grave”- reláta a muller , preocupada e emocionada pola angustia que vive día a día.
Desde a Plataforma Sanitaria esiximos á Xerencia que tome cartas no asunto e comecen dunha vez por todas a traballar para garantir @s usuri@s unha correcta atención sanitaria, enfocada ao servizo dos pacientes e ás súas necesidades e non segundo motivos economicistas, xa que estes criterios foron os que levaron á sanidade pública ao grao de deterioro que padece actualmente e que desembocou na brutal crise sanitaria que estamos a padecer.
“ Contraten o persoal necesario, pois saben ben que o Hospital da Mariña e a Atención Primaria teñen un importante déficit de persoal. Cando as plantillas están baixo mínimos, cando as contratacións son tan precarias que rozan a explotación laboral , cando se tensa tanto a corda de ter listas de agarda escandalosamente altas , da orde de ano e medio para uns resultados dunhas probas diagnósticas, estoupan as crises máis virulentas na sociedade”- conclúen @s activistas sanitari@s.
Denuncia que leva cerca de ano e medio agardando por unha cita para coñecer o resultado dunhas probas cardiolóxicas
Relacionado
Pasados dez minutos das 15 horas deste martes, un particular alertou ao 112 Galicia dun coche envorcado fóra da vía en San Martiño de Ferreiros, Pol. Aconteceu no quilómetro 3 da LU-750, e a única persoa implicada permanecía atrapada no interior. De inmediato, desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. Os bombeiros actuaron para liberar á persoa, que foi evacuada en ambulancia polos profesionais sanitarios desprazados ata o lugar.
Ofreceranse as seguintes modalidades e horarios: adestramento de forza/funcional os luns e mércores ás 9.00 horas; pilates os luns e mércores ás 11.00 horas; e TRX os martes e xoves ás 9.00 horas. A inscrición e a información sobre estes cursos realizarase na recepción da Piscina Municipal. Ademais, durante este mes habilítase a opción de proba gratuíta.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
A última xornada tivo lugar o sábado 7 de marzo no Local Social, coa disputa da final entre as dúas parellas clasificadas. A continuación celebrouse a tradicional cea e a entrega de premios ás tres primeiras parellas. Os equipos gañadores foron: 1º posto: Carlos e Toñito. 2º posto: Eladio e Santi. 3º posto: Tomás e Demetrio. A Xunta Directiva agradece a excelente acollida desta edición e expresa o seu desexo de seguir contando coa participación de todos nas vindeiras convocatorias.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
