Lugo, 26 de xaneiro de 2019. A Deputada de Benestar, Sonsoles López Izquierdo, mantivo este sábado un encontro con usuarios de APNED (Asociación de Pais e Nais de Nenos con Discapacidade da Mariña Lucense), xunto á representante deste colectivo, María del Carmen Iglesias Fuentes. Fíxoo para coñecer, in situ, o resultado da colaboración que mantén o Executivo Provincial con APNED para mellorar a calidade de vida dos 28 nenos e nenas con capacidades diferentes que a integran.
O Goberno da Deputación colabora con esta entidade cunha achega anual de 10.000 euros. Estes fondos permiten sufragar as necesidades de atención profesional dos mozos e mozas de ata 18 anos que atende a asociación, así como os gastos derivados do servizo ambulatorio, pois os usuarios reciben os coidados nos seus propios fogares. López Izquierdo lembrou o compromiso e a aposta decidida do Executivo Provincial por garantir medidas que melloren a súa calidade de vida e benestar.
APNED é unha asociación sen ánimo de lucro, creada no ano 2001 por pais de nenos e nenas con capacidades diferentes que ofrece, a día de hoxe, atención individualizada a usuarios de 8 concellos mariñáns: Ribadeo, Barreiros, Mondoñedo, Lourenzá, Foz, Burela, Viveiro e O Vicedo. Este colectivo, creouse co fin de dar un servizo de atención e integración nun contexto ordinario, traballando na súa autonomía e en aspectos relacionados coa vida diaria. APNED ofrece atención, integración e apoio a todo tipo de usuarios con capacidades diferentes, aínda que a día de hoxe o 85% dos nenos que a integran padecen TEA (Trastorno do Espectro Autista).
Atención individualizada a 28 nenos
O tratamento e a atención que reciben os 28 usuarios de APNED é moi personalizado, pois realízase unha valoración do cativo en todos os ámbitos da súa vida, así como das súas necesidades en tres niveis diferentes: educativo, social e persoal. Deste xeito, planifícase un traballo específico para modificar o seu ambiente e acadar a máxima autonomía no entorno cognitivo, social, no fogar ou no ocio, entre outros. Este planing de traballo, totalmente individualizado para cada usuario, complétase coa axuda dun equipo interdisciplinario que traballa no ámbito da logopedia, a psicopedagoxía e a psicoloxía. Os nenos de APNED reciben a atención necesaria a través do servizo ambulatorio, sen necesidade de desprazarse do seu propio fogar.
Outras actividades
Ademais das tarefas individualizadas, APNED ofrece formación aos docentes, dando resposta á falta de información no ámbito escolar e educativo, a través de charlas ou seminarios. Deste xeito, os profesores aprenden sobre as metodoloxías necesarias para integrar aos nenos con capacidades diferentes en colexios e institutos ordinarios.
Nesta mesma liña, APNED tamén ofrece información e asesoramento a pais e nais sobre sistemas alternativos de comunicación, así como métodos para guiar aos familiares e conseguir que a vida dos nenos sexa máis sinxela e autónoma. Ademais destes servizos, a Asociación realiza outras actividades como o respiro familiar, obradoiros de ocio e tempo libre dirixidos a nenos con e sen capacidades diferentes ou actos de sensibilización.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
