Alfoz, 29 de xaneiro de 2019. O programa CATUXA, de sensibilización sobre a violencia de xénero e a igualdade entre mulleres e homes destinado á poboación adolescente, botou a andar este martes no Instituto de Ensinanza Secundaria Alfoz-Valadouro da man do equipo RETNOVA Proxectiva Consulting. Noelia Rodríguez foi a técnica encargada de dinamizar a visita do alumnado á exposición ‘Á violencia de xénero… DILLE NON!.
As alumnas e alumnos de 3º e 4º da ESO do IES do Alfoz-Valadouro desprazáronse ás dependencias municipais onde se atopa a exposición ‘Á violencia de xénero… DILLE NON!, e alí unha experta en igualdade e violencia de xénero do equipo de RETNOVA para o programa CATUXA dinamizou a visita cunha actividade participativa.
Para facer chegar as mensaxes da exposición dunha maneira participativa, invitouse ao alumnado a que ollaran toda a exposición con calma coa consigna de que ao rematar elixisen unha palabra dunha listaxe que lles suxerise algunha lámina da exposición.
Ao entrar na sala de actividades, fóronse poñendo en común láminas e palabras, chegando así a desenmarañar o que implica unha relación de parella sá e unha tóxica. A liberdade e as gaiolas invisibles que que atrapan ás mulleres, centrando o tema nas experiencias coñecidas de maneira directa pola rapazada.
Esta exposición, promovida pola Secretaría Xeral da Igualdade da Xunta de Galicia, é unha mostra gráfica dirixida á mocidade para que esta recoñeza identifique e rexeite as condutas sexistas nocivas nas súas relacións. A exposición púidose visitar no Centro sociocultural do Concello de Alfoz desde o pasado 18 de xaneiro, sendo este martes 29 o seu derradeiro día.
O programa CATUXA presentouse o pasado 29 de novembro no IES María Sarmiento, de Viveiro; trátase dunha iniciativa dirixida á comunidade educativa dos concellos integrantes da Mariña Lucense, que aborda desde unha perspectiva integral e transversal a necesaria educación e concienciación en materia de igualdade entre mulleres e homes e de prevención e loita contra a violencia de xénero nas súas distintas manifestacións.
Un dos elementos identificadores de CATUXA é o seu carácter participativo e de implicación de todas as entidades do territorio, ademais dos centros educativos. De aí que a actividade programada para este martes en Alfoz sexa o resultado dunha estratexia de coordinación concello-programa CATUXA para conseguir un maior alcance do programa ao tempo que se optimizan recursos dispoñibles.
O programa CATUXA continuará no mes de febreiro con máis actividades. Pódese seguir a actualidade do programa CATUXA en Instagran e Facebook como @programacatuxa.
O Programa Catuxa bota a andar en Alfoz coa dinamización da exposición ‘Á violencia de xénero… dille non!’
Relacionado
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
O 14 inaugúrase o Rincón da Poesía, con música de gaitas e concerto de Xuaco Amieva, ademais da presentación de Viaxe a Dacondo I. O 21 terá lugar un recital poético-musical na Casa de Cultura, con música en directo, participación de autores locais, presentación do libro Tu voz en mi voz e homenaxe a Luis Pérez del Súcaro.
Este domingo, 8M, celebrouse un xantar no restaurante O Noso Lar no que participaron máis de 100 mulleres con posterior baile na Casa do Mar.
Reuniu na xornada deste sábado no pavillón de deportes a 700 ximnastas procedentes de diferentes puntos da provincia de Lugo e tamén dun club convidado de Pontevedra. Foi un día intenso de deporte e de convivencia, que tivo unha importante repercusión na hostalería local. Desde o Concello felicitan a todas as participantes, subliñan o traballo da organización (Escola Porta Norte) e agradecen o apoio das entidades colaboradoras.
