Santiago de Compostela, 25 de xaneiro de 19. A portavoz de Pesca do Grupo Socialista, Loli Toja, reclamoulle hoxe á Xunta que investigue de forma inmediata as causas que provocan o elevado índice de naufraxios nas costas galegas. A responsable socialista presentou unha proposición non de Lei na Comisión de Pesca do Parlamento para reclamar esta investigación e a toma de medidas urxentes para reducir o número de accidentes mariños, que foi rexeitada polo PP.
A responsable socialista advertiu que “o maior risco para a seguridade dos traballadores do mar son os propios Orzamentos da Xunta de Galicia”. Así o dixo logo de constatar a redución das partidas para Saúde e Seguridade dende os 900.000 euros de 2017 aos apenas 300.000 de 2019, que supoñen o 2 por cento do destinado a investimentos en acuicultura, “executando ademais nada máis que un 37 por cento, deixando no caixón 6 de cada 10 euros”.
Toja lamentou desleixo do goberno galego, que “adoece de vontade política para priorizar as cuestións de seguridade”, que permitan anticipar e así reducir o número de sinistros con resultado fatal. Sinalou así á baixa execución dos fondos para seguridade, a retirada do seguro de mal tempo e a escasa formación en prevención por parte da Xunta como algunhas das causas que provocan o elevado número de accidentes.
Apuntou tamén á falla de sinalización de bateas ou a preguiza demostrada polo goberno galego á hora de iniciar as dragaxes pendentes nos portos galegos, provocando o abandono dos buques cando chega o mal tempo. Reclamou ademais o compromiso do goberno galego na implementación de sistemas para manter a flote ás embarcacións e dos sistemas individuais de localización que poden “marcar o límite entre a vida e a morte”.
Lembrou que o goberno galego conta coa Estratexia Galega de Seguridade e Saúde no Traballo –EGSST- 2017-2020 sen cumprir cando está a un ano de rematar, igual que o Plan Estratéxico Galego 2015-2020, que pon o acento na seguridade no seu eixo sobre crecemento sustentable no sector primario.
A parlamentaria socialista sinalou os datos do Novo Catálogo de Naufraxios, que alertan de que, nos 18 anos que van de século XXI, tiveron lugar preto de cen sinistros mariños en Galicia, cun elevado número de vítimas mortais.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
