Lourenzá, 19 de xaneiro de 2019. Comezou unha campaña de recollida firmas para reclamar melloras no servizo de pediatría para os municipios de Lourenzá, Barreiros e Mondoñedo. Así se acordou na reunión celebrada na tarde noite de onte, venres, no salón de actos do Concello laurentino.
A alcaldesa de Lourenzá, Rocío López, explicou: “tivemos unha segunda reunión, nesta ocasión no salón de actos do Concello de Lourenzá, para tratar o problema do servizo de pediatría que afecta ao noso municipio, polas graves deficiencias que ten e o seu mal funcionamento. Tal como quedaramos nunha anterior xuntanza con moitos pais e nais afectados deste concello, a esta reunión trouxemos xa un texto elaborado, no que denunciamos o mal funcionamento do Servizo Galego de Saúde, que non está a garantir o dereito das nenas e nenos do municipio a ser atendidos por un especialista en pediatría en caso de enfermidade. Denunciamos que se está a incumprir o calendario de vacinas, co grave risco que isto supón para a saúde do menor. E tamén denunciamos que cando o pediatra se atopa de baixa ou de vacacións non envían a un substituto para cubrir ese posto de traballo e seguir garantindo o bo funcionamento do servizo”.
Rocío López engadiu: “reunímonos non só veciños do concello de Lourenzá senón tamén dos municipios de Barreiros e Mondoñedo, porque compartimos este servizo os tres concellos. E tamén asistiron representantes políticos, de todas as cores, dos tres municipios, recolléronse firmas de todos os asistentes e tamén levaron máis copias do escrito para recoller máis sinaturas entre todos os veciños e veciñas de Lourenzá, firmas que posteriormente, a finais da semana que vén, serán rexistradas no Concello e servirán de base para elaborar unha moción que levaremos ao pleno e que esperemos que sexa aprobada polos tres grupos políticos que formamos a corporación de Lourenzá. Ademais falei cos rexedores de Barreiros e Mondoñedo e voulles trasladar esta moción para que a leven aos respectivos plenos dos seus concellos; e manifestaron que así será. E representantes dos grupos do Partido Socialista e do Bloque Nacionalista Galego deses dous concellos tamén manifestaron na reunión que van apoiar esa moción nos seus respectivos concellos e tamén van proceder a unha recollida de firmas para avalar esas mocións”.
A rexedora municipal laurentina salientou que “o obxectivo non é outro que loitar por un servizo de pediatría, ó cal os nosos nenos teñen dereito. Nesa moción vaise reflectir iso e instar ao Servizo Galego de Saúde e á Xunta de Galicia para que manteñan o servizo de pediatría e para que garantan a substitución da pediatra cando ela non está, para que o servizo siga funcionando de maneira correcta e eficiente. Este é un problema que nos afecta a todos, no que todos temos que ir da man para loitar polos nosos dereitos e pola nosa sanidade”.
Ademais Rocío López agradeceu “que viñesen a esta reunión tamén representantes da Plataforma en Defensa da Sanidade na Mariña e, sobre todo, a todos os veciños e veciñas de Lourenzá. Imos loitar e chegar ata onde sexa necesario para defender a sanidade dos laurentinos”. Tamén anunciou que esta problemática será trasladada aos representantes do PSOE no Parlamento de Galicia para que este asunto sexa tratado na Cámara autonómica.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
