Ribadeo 24-2-19. Esta fin de semana celebráronse en Ourense os Campionatos galegos sub20-18-14-12-10 de atletismo en pista cuberta e ata alí se desprazaron os irmáns ribadenses Aleix e Brais Díaz Salas.
O domingo foi o turno dos sub14, onde Brais participou na disciplina de lanzamento de peso, cun excelente resultado, o terceiro posto que o levaba a subir ó podium e acada-la Medalla de Bronce. Os seus lanzamentos foron de 9,34-8,36-8,34-8,44 m. respectivamente, co que tamén acadaría a sua mellor marca persoal superando a anterior en 5 cm.
Con esto remata a tempada de inverno, na que pese á falta de instalacións e condicións de adestramento, Brais conseguiu a base de traballo e ilusión estar entre os tres mellores galegos da especialidade.
Po-la sua parte e na xornada de sábado, Aleix participaría no campionato sub18 nas probas de 400 e 200 m.l. Unha competición agridoce para o atleta ribadense, posto que non puido estar á altura do esperado po-los problemas físicos que ven arrastrando ó longo da tempada. Nos 400 m.l. acadaría a 8ª posición cun rexistro de 54,58 seg., o que o levaría a rebaixa-la sua mellor marca, pero sufrindo xa problemas musculares. Unha hora máis tarde sería o turno dos 200 m.l., onde Aleix tivo que abandona-la proba a falta de 50 m. po-los citados problemas e a fin de non causar unha lesión máis importante.
Con este campionato, Aleix tamén remata a tempada de inverno, pensando xa en recuperarse ó 100% para poder afronta-lo aire libre en óptimas condicións.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
