Alfoz 24-2-19. O vindeiro 16 de marzo celébrase no Salón de Actos da Casa da Cultura “Manuel Lourenzo” do Valadouro a final do II Certame de Curtas do Festi-Val de Cine de Alfoz e O Valadouro. Tres directores moi ligados á historia do noso Val presentan cadanseu traballo filmográfico para optar ós tres premios que se conceden: PREMIO Á MELLOR PELÍCULA, PREMIO DO PÚBLICO E PREMIO Ó MELLOR FILME DO VAL.
Matías Nicieza é home de cine e de radio. Leva traballado moitos anos nas emisoras de Radio Valadouro e Radio Burela e colaborado en multitude de filmes rodados no noso Val. Preséntanos un traballo titulado “Instrucciones para empezar a hablar gallego”, traballo no que colaboran como actores Cachín e Susi Paz, entre outros.
Paz Quiroga é unha activa profesora do Instituto Alfoz-Valadouro e gran actriz. No filme que presenta a concurso, titulado “O preguiceiro”, actúan multitude de alumnos do noso instituto que cursan a materia de Teatro. No traballo reúne unha serie de contos e lendas tradicionais da bisbarra.
José Ramón Leal é o propietario da tenda Terra Branca de Ribadeo, coa cal tamén realiza multitude de filmes e traballos cinematográficos. O ano pasado conseguiu o PREMIO Ó MELLOR FILME DO VAL coa película “As cinco marabillas do noso Val”. A súa fonda afección polo cine lévao a gravar multitude de reportaxes e documentais na rede, dos cales “O río”, a película que presenta a concurso, trata dun xeito poético do río Ouro, contando coa colaboración do poeta Paco Rivas.
Preséntovos a continuación as fichas técnicas destes tres filmes:
“Instrucciones para empezar a hablar gallego”.
PROTAGONISTAS: Antonio Jesús Lorenzo “Cachín”, Noé Fernández, Cristian Gómez, Alba Xea-da, Nuria R. Cuba, Sergio Alonso, Susi Paz.
GUIÓN: Matías Nicieza (segundo o relato orixinal de Séchu Sende).
CÁMARA: Matías Nicieza.
FOTOGRAFÍA: Matías Nicieza.
PRODUCIÓN: Bernardo Penabade, Matías Nicieza.
MONTAXE: Matías Nicieza.
MÚSICA: Pezas de arquivo de dominio público.
DIRECCIÓN: Matías Nicieza.
SINOPSE: Visión chea de retranca do proceso de iniciación na utilización cotiá do galego como lingua vehicular, feita a modo de parodia das curtametraxes escolares dos anos 50 e 60 do século XX.
“O río”.
PROTAGONISTAS: Paco Rivas, Mayra Flores.
GUIÓN: José Ramón Leal.
CÁMARA: José Ramón Leal.
FOTOGRAFÍA: José Ramón Leal.
PRODUCIÓN: Terra Branca Audiovisuais.
MONTAXE: Studio Terra Branca.
MÚSICA: José Ramón Leal.
DIRECCIÓN: José Ramón Leal.
SINOPSE: O río baña o Val, dende as súas orixes ata fusionarse co mar. No Pico da Frouseira, unha musa branca canta a toda esa beleza. O río inspira ao poeta, que lle recita uns versos. A vida crece ao compás da auga e da música. Contornas dunha maxestade perenne.
“O preguiceiro”.
PROTAGONISTAS: David Cao, Marcos Carreiras, Adrián Carreiras, Daniel Febrero, Juan Carlos Fernández, Ángela Freire, Iván Maseda, Catalina Nica, Óscar Pérez, Diego Valea, Marcos Bermú-dez, Ángela García, Melisa García, Sergio López, Ana Orol, Mencía Pardiñas, Martín Rodríguez, Alexia Rojas, Yeray Ruíz, Chaima Sabry, Noa Valea, Silvía Yáñez.
GUIÓN: Paz Quiroga (baseado no libro “Contos populares da provincia de Lugo”).
CÁMARA: Paz Quiroga.
FOTOGRAFÍA: Paz Quiroga.
PRODUCIÓN: IES Alfoz-Valadouro.
MONTAXE: Paz Quiroga.
MÚSICA: Jorge Olivera.
DIRECCIÓN: Paz Quiroga.
SINOPSE: O profesor de Galego encomenda aos seus alumnos a tarefa de recoller contos popula-res na súa contorna, pero Manuel, o preguiceiro, esquece facelo. Todos os rapaces van lendo as súas historias (“Os avisos da morte”, “As perdices do convite”, “Os dous homes con xoroba”, “Xan de Outeiro”, “A boticaria”, “A parva e as moscas” e “A nai de Luísa”) e cando, finalmente, a quenda lle chega a el, verase obrigado a usar o seu inxenio para saír do apuro.
Será, por tanto, no Salón de Actos do Valadouro, o vindeiro 16 de marzo, ás 20,00 horas, contando cun Xurado de luxo: Camila Bossa (actriz galega), Iago Villarino (cineasta de Cervo) e Adrián Canoura (cineasta burelés). Non podes faltar á cita, porque é a forma de conseguir que o cine do noso Val siga vivo.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
