O BNG de Viveiro valora positivamente o anuncio da Xunta pero considera totalmente insuficiente as medidas de parcheo para a LU-161

Viveiro 26 de febreiro de 2019. O BNG de Viveiro valora positivamente o anuncio da Xunta pero considera totalmente insuficiente estas medidas de parcheo prometidas para unha estrada coma a LU-161 que se atopa nunhas condicións de abandono total e que sufre non so graves deficiencias no seu firme e trazado, que a fan moi perigosa, senón que tamén conta cunha escasa anchura, cunetas en mal estado e sen beiravías. Unha estrada onde as veciñas e veciños destas parroquias veñen sendo testemuñas, desde hai anos, de numerosos accidentes que sufren os usuarios deste vial debido á existencia de puntos especialmente sensibles para a circulación, con curvas perigosas, sen marxe entre o límite do carril e o final da calzada, escasa e mala sinalización horizontal e cunetas sen revestir, mal conservadas e cuns desniveis moi fortes que aumentan a gravidade e as consecuencias da saída da vía dos vehículos e que carece dun marxe mínimo que pemita a/ao condutor/a correxir a traxectoria, esquivar un obstáculo, ou frear, sen sairse da calzada.

O BNG de Viveiro aproveita para lembrarlle á Xunta apoia as necesidade de medidas de seguridade vial na LU-540 en Landrove. «Urxe -explican desde o BNG- poñerlle freo á inseguridade viaria que sufren cada día os peóns e condutores que circulan por esa zona que carece de medidas redutoras de velocidade, de beirarrúas e cun alumeado deficiente; tamén son necesarias medidas que faciliten a incorporación dos vehículos á estrada e a súa saída».

Sinalan desde a formación nacionalista que «este é un dos tramos extremadamente perigosos no termo municipal que a Xunta, titular da estrada, parece ter tamén olvidado».