Lugo, 26 de febreiro de 2019. O Presidente da Deputación e Alcalde da Pontenova, Darío Campos Conde, a Alcaldesa de Trabada, Mayra García Bermúdez, e o Alcalde de Meira, Antonio de Dios Álvarez, presentaron este martes o Campionato Galego de Seleccións Comarcais de fútbol sala, que se celebrará entre os días 2 e 4 de marzo, nos concellos de A Pontenova, Trabada e Meira. No acto tamén participaron membros da Federación Galega de Fútbol, como o Presidente do Comité Galego de Fútbol Sala e Vicepresidente da RFGF, Pablo Prieto, e o Vicepresidente da RFGF, Carlos Méndez ‘Negrín’.
Neste campionato, de carácter anual, competirán as seleccións comarcais de A Coruña, Santiago, Lugo, Ourense, Pontevedra, Vigo, Ferrol e A Mariña, nas categorías de benxamín (mixto), alevín (mixto e feminino) e infantil (masculino e feminino).
O Presidente explicou que “serán 60 partidos, nos que participarán unhas 120 persoas entre xogadores e corpo técnico, que atraerán a cada sede a preto de 500 espectadores os días de competición. Un pulo moi importante para os concellos, nos que durante esta fin de semana multiplicaremos a nosa poboación, dinamizando a economía da contorna”.
Practicamente todas as seleccións presentarán equipos en todas as categorías, en dúas xornadas deportivas que se celebrarán desde as 9:30 horas ata as 21:00 horas. “É unha honra para os nosos concellos e para a Provincia, que veñan todos estes rapaces e rapazas, que teñen un gran nivel competitivo. Desde a Federación fixeron unha aposta clara polo deporte no rural, unha aposta que compartimos dende o Goberno da Deputación” destacou Campos Conde.
García Bermúdez remarcou que “o ano pasado xa celebramos a Final do Campionato nos concellos da Pontenova e Trabada, nas categorías de alevín e infantil, e este ano ampliamos as categorías e engadimos o terceiro vértice, que é Meira, para formar un triangulo onde o fútbol sala base sexa protagonista”.
Ademais o Presidente quixo salientar que: “desde que as federacións de fútbol e fútbol sala son a mesma, poderán participar no encontro rapaces das canteiras do Celta de Vigo, do Deportivo da Coruña ou do CD Lugo, rapaces que de seguro en breve poderemos ver en categorías sénior de grandes equipos galegos, ademais que os gañadores poderán representar a Galicia no Campionato Nacional.”
Programa do torneo
Sábado, 2 de marzo
– Alevín mixto: Trabada
– Benxamín mixto: Meira
– Infantil feminino: A Pontenova
Luns, 4 de marzo
– Infantil masculino: A Pontenova
– Alevín feminino: Trabada
Unha iniciativa destinada "a expresar apoio, afecto e solidariedade con Ceuta". A concentración terá lugar diante da Casa do Concello.
O Concello destacou que esta primeira edición nace para impulsar a creación literaria e manter vivo o legado de Manuel García-Galano. A obra gañadora, definida pola autora como unha historia de suspense psicolóxico sobre amizade, lealdade e segredos, engádese á programación cultural da XXXIII Feira Campomar. Con este premio, o concello inicia unha traxectoria destinada a honrar a figura do escritor a través da literatura.
Villares felicitou á entidade lucense polos éxitos acadados na última tempada e puxo en valor “o traballo e dedicación dos nadadores e nadadoras e o esforzo do equipo técnico” do club. Recalcou en especial o impulso ao deporte base dende idades moi temperás, en liña coa aposta da Xunta por fomentar a actividade física entre os nenos e nenas con accións como o programa de deporte escolar Xogade, que no curso pasado chegou case ao 60% do alumnado galego.
A convocatoria enmárcase na iniciativa promovida pola FEMP para trasladar desde as entidades locais o seu apoio e solidariedade coa Cidade Autónoma de Ceuta. Deste xeito, Viveiro únese á convocatoria xunto con concellos de todo o territorio, amosando o seu respaldo institucional á Cidade Autónoma.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
