Posta a punto do Viveiro CF no Thalasso Cantábrico

Viveiro 27-2-19. Dentro do seu acordo de colaboración co clube, o Hotel Thalasso Cantábrico Las Sirenas acolle este xoves ó plantel do Viveiro CF no seu centro de thalassoterapia para disfrutar dun circuito termal.
O obxectivo desta actividade é que sirva como sesión de adestramento do primeiro equipo para manter o paso firme na Liga e lograr o ansiado ascenso á Terceira División, e que así a cidade de Viveiro volva competir nunha das categorías nacionais do fútbol español.
O Resort Las Sirenas dispón do único centro termal con auga de mar na Mariña lucense: o Centro Wellness Thalasso Las Sirenas está composto por tres plantas: unha co circuito de thalassoterapia, outra onde se realizan os tratamentos individuais e, por último, unha máis con zona fitness que inclúe ximnasio, salas para masaxes e zonas de exercicios.
Ademais dos seus coñecidos hoteis de 3 e 4 estrelas, apartamentos turísticos, restaurante panorámico e salóns de eventos, o complexo conta tamén con piscina cubirta, pistas de tenis e campo de minigolf, sempre cunhas vistas espectaculares sobre a ría de Viveiro.