Madrid, 11 de marzo de 2019. O Ministerio de Agricultura, Pesca e Alimentación ven de responder ao deputado por Lugo no Congreso, Miguel Anxo Fernán Vello, que no periodo comprendido entre os anos 2015 e 2018, rexistráronse 318,40 toneladas de importacións de pescada procedentes de Irlanda en Galiza.
Fernán Vello dirixiuse en diversas ocasións ao Ministerio para trasladarlle a alarma e a preocupación do sector pesqueiro de Celeiro e de Burela debido á brusca caída nos prezos da pescada que se detectou o ano pasado. Miguel Anxo Fernán Vello pedía unha investigación sobre o asunto.
Nunha resposta anterior, de novembro pasado, o Goberno recoñecía o problema dos baixos prezos da pescada que afecta ás lonxas de Celeiro e Burela na Mariña, entre outras e admitía o volumen de importacións.
Os anos 2016 e 2017 os de maiores importacións
Ademais, aportaban datos que destacaban as cuantiosas importacións procedentes de Irlanda. Cuestión que levou ao parlamentar por Lugo a demandar ao Ministerio datos pormenorizados e detallados dos últimos anos.
O Ministerio aporta as estatísticas de importacións de pescada de Irlanda desde 2015, con 60,41 toneladas, en 2016 con 117,77 toneladas, en 2017 con 94,67 toneladas, e os dados provisións de 2018, arroxan a cifra de 45,55 toneladas. Un total neste periodo de 318,40 toneladas desta especie pesqueira.
Asemade, e a petición de Fernán Vello, aporta o Ministerio de Pesca a estatística de importación segundo meses do ano 2018, exercicio no que baixaron de xeito considerábel os prezos nas lonxas como as da Mariña onde é unha especie moi aprecidada. Pódese observar como en abril do ano pasado se disparou a introdución de pescada de Irlanda, así como en decembro pasado. Situación que explica a caída dos prezos.
Fernán Vello remarca que a pesca e venda da pescada na Mariña “é unha actividade de coñecemento público, ten un prestixio debido á calidade do produto e que se debería preservar” e lembra que Celeiro e Burela son os principais portos de pescada de Europa.
Miguel Anxo Fernán Vello mantivo encontros co sector da pesca nos portos de Celeiro e de Burela onde, entre outros temas, abordaron esta cuestión.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
