Burela, a 18 de abril de 2019. O candidato do Partido Popular á alcaldía de Burela, Manuel Rouco, deu a coñecer esta mañá catro das novas incorporacións que o acompañarán no proxecto co que busca reactivar a administración local. Ana Álvarez, Natalia Álvarez, Félix Martins e Sonia López integrarán a lista coa que o PP concorrerá aos próximos comicios locais.
Ana Álvarez, vive en Burela dende hai máis de vinte anos, onde exerce como profesional moi respectada dentro do Hospital da Mariña. Desenvolve o seu labor na actualidade como supervisora de enfermería.
Natalia Álvarez, natural de Burela, onde exerce o seu labor como arquitecta técnica. Ademais é graduada en enxeñaría da edificación.
Félix Martins é veciño de Burela moi querido e recoñecido na vila, cunha contrastada experiencia no sector da construción, exerce na actualidade como operario de ABSA e adestrador de fútbol nas categorías inferiores da S.D. Burela, onde militou como xogador.
Sonia López é veciña de Burela dende hai uns sete anos. Diplomada en Turismo. Na actualidade participa na xestión de dous dos seis hoteis de catro estrelas que existen na comarca da Mariña.
Unha lista moi renovada, que combina coa experiencia de veciños cunha “dilatada traxectoria política”
O novo proxecto do PP de Burela “trata de combinar a ilusión, a puxanza e as renovadoras ideas da xente nova coa experiencia de outros veciños e veciñas cunha dilatada traxectoria política”.
Así, Manuel Rouco adiantou que a lista contará con “once caras novas” ás que se sumarán tamén persoas con experiencia na política local e que “conxuntamente enriquecerán coa súa cualificación formativa e a súa experiencia profesional este novo e ilusionante proxecto”.
Ademais de adiantar catro das once novas incorporacións, Rouco tamén anunciou que repetirán na candidatura popular o xefe de ciruxía do Hospital da Mariña, Alberto Ramos, o empresario José Casas e o armador Justo Eijo. Estes dous últimos con experiencia en tarefas de Goberno. De igual xeito, acompañarán a Rouco, Josefa Yáñez, que exerceu como administrativa no Hospital da Mariña, e o xubilado do mundo do mar e membro de diversas asociacións da vila, Felicísimo Baño.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
