Viveiro 30-4-19. A eurodeputada do BNG, Ana Miranda, criticou que a substitución do emisario que atravesa o porto de Celeiro, como parte da mellora do saneamento de Viveiro, non estea aínda executada maila existir fondos europeos. “É lamentable que pese a existir fondos non se execute este proxecto”, manifestou Miranda durante a súa visita á localidade lucense xunto a candidata á Alcaldía, Miriam Bermúdez, e o número 2 da candidatura, Seve Salgueiro.
En resposta a unha pregunta presentada polo Bloque, a Comisión Europa recoñece que o proxecto para acometer o saneamento de Celeiro e a mellora da condución de vertido da EDAR está xa elaborado, mentres que a ampliación da EDAR de Viveiro se atopa en proceso de elaboración, pero que a “licitación dos proxectos aínda non comezou”. “Executar estes proxectos son fundamentais para cumprir os obxectivos da Directiva Marco da Auga sobre o tratamento de augas residuais urbanas, e a Lei de Augas de Galicia”, salienta a eurodeputada do BNG.
Por outro lado, Ana Miranda explica que o Programa Operativo do Fondo Europeo de Desenvolvemento Rexional Galiza 2014-2020, que cofinancia esta operación, establece que o inicio e o final das obras é entre decembro de 2016 e decembro de 2020. Segundo a eurodeputada nacionalista, “estamos perdendo moito tempo na mellora da calidade das augas que permita a súa vez mellorar a clasificación nas zonas de marisqueo nesta ría de Viveiro”.
Convenio co Concello
Desde o BNG local, a candidata á Alcaldía, Miriam Bermúdez, e o candidato 2 da lista, Seve Salgueiro, nesta liña, expresan a súa preocupación polo perigo de perder os 2,4 millóns de euros destinados ao saneamento de Viveiro. Lembran que en setembro de 2016 se formalizou un convenio entre Augas de Galicia e o Concello de Viveiro co obxectivo de establecer as condicións básicas para acometer as obras de mellora do saneamento e da EDAR, a súa posta en servizo, a súa explotación e a súa conservación e mantemento.
“Tras a adenda do acordo asinada en xullo de 2018, Augas de Galiza iniciou os procedementos necesarios ante Portos de Galiza e a Dirección Xeral de Sostenibilidade de Costa e Mar debido á dificultades para obter as autorizacións necesarias, pero en Viveiro seguimos esperando que se melloren as deficiencias de saneamento”, explica Miriam Bermúdez.
Salgueiro, quen participou en Bruxelas na Conferencia sobre a Auga organizada por Ana Miranda, salienta que na ría se atopan até 6 zonas de vertidos que afectan o marisqueo, o que provoca que o tramo urbano da ría estea clasificado como ‘zona C’ e un “gran prexuizo medioambiental e económico”. Asemade, sinala que a estación depuradora presenta unha serie de problemas desde a súa inauguración “que nunca foron corrixidos”. “Non vale de nada que se invistan millóns de euros en facer depuradoras novas se a rede de saneamento non separa as augas”, denuncia.
Este venres, 14 de agosto ás 20.00 horas, terá lugar a presentación do libro "Espiritualidad", unha longa reflexión sobre a dimensión espiritual do ser humano, levada a cabo por 8 autores de diferences orientacións relixiosas, no Local Social do Parque Concepción Arenal (antigo matadoiro) de Ferreira do Valadouro. Estará presente o autor-coordinador da obra Pepe Peinó.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
