A Mariña 4-4-19. Este venres, a partir das 20:00 horas, o Hotel Nordés en Burela acolle un acto aberto organizado polo Observatorio da Mariña pola Igualdade no que catro políticas galegas de catro partidos políticos diferentes intervirán e debaterán sobre feminismo e igualdade. O título “Presente e futuro das políticas feministas galegas” fai referencia “ás mulleres políticas que nos representan nos diferentes niveis da administración e institucións políticas así como ás políticas públicas en materia de igualdade que están ou deberían estar na axenda pública” explican desde o Observatorio.
As deputadas Raquel Arias do PPdeG, Patricia Otero do PSdeG-PSOE, Olalla Rodíl do BNG e a eurodeputada Lídia Senra de En Marea, falarán sobre a súa experiencia como mulleres e representantes políticas nas organizacións políticas, na administración pública e nas institucións, desde a perspectiva de xénero e tendo en conta cuestións como a paridade, o teito de cristal, a corresponsabilidade etc. Do mesmo xeito, “o debaté versará sobre as políticas públicas feministas e de igualdade que se promoven desde as administracións públicas galegas e a súa resposta ás fendas de xénero que detectamos no ámbito social, económico, cultural etc”.
Aproveitando as próximas convocatorias electorais, desde o Observatorio da Mariña
pola Igualdade quixeron “poñer sobre a mesa as propostas de futuro dos diferentes
partidos políticos e a súa resposta ás demandas do movemento feminista que leva
anos artellándose en Galicia”. É, sen dúbida, unha boa oportunidade para achegarse
ao discurso feminista das mulleres que nos representan en gobernos, parlamentos e
administracións locais, e “facer balance do camiño que aínda queda por percorrer”.
O acto estará presentado pola socia e directiva do OMI Lucia Canoura e moderado
pola, tamén socia, investigadora, tradutora e profesora de universidade, Olga Castro.
Catro políticas galegas debaterán sobre feminismo e igualdade, mañá en Burela, convocadas polo Observatorio da Mariña pola Igualdade
Relacionado
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
