Lugo, 4 de marzo de 2019. A Deputada de Cultura, Pilar García Porto, presentou este xoves no Obradoiro de Instrumentos do CENTRAD a nova programación da Deputación para poñer en valor os instrumentos musicais da colección provincial. “Realizaremos 8 concertos que impartirá o grupo lucense Lucus Ensemble noutros tantos Concellos, para dar a coñecer e poñer en valor estes instrumentos. Ademais, na Capela de Santa María presentaremos, nos vindeiros días, unha mostra que recollerá unha boa parte da colección máis importante en Europa de instrumentos de corda medievais dos séculos XII e XIII”, avanzou a Deputada.
Reconstrución, préstamo e promoción de pezas únicas
O obxectivo desta iniciativa pasa polo estudio, a divulgación, o préstamo de pezas, así como a promoción da música medieval para o público en xeral nos 67 Concellos da provincia. Esta iniciativa tamén contribúe a poñer en valor as nosas tradicións e a nosa cultura, como neste caso, os sons medievais tan arraigados na nosa historia. Por iso, dende o Centro de Artesanía e Deseño e a Colección e Obradoiro de instrumentos musicais da Deputación iniciouse un traballo para a actuación integral na formación de intérpretes e reconstrucións históricas para a súa promoción en Galicia, creando unha pequena colección de instrumentos medievais destinada ao préstamo temporal a músicos profesionais que queiran achegarse, ou aportar a súa experiencia na interpretación deste legado cultural dentro das súas xiras internacionais.
Lucus Ensemble
Para poder chegar á difusión, último paso do proxecto, é necesaria a difusión e publicidade por parte de músicos de recoñecido prestixio. Así, toda a cidadanía poderá aprezar os sons antigos, e ao mesmo tempo, como se poden integrar nas músicas máis contemporáneas. O Grupo lucense Lucus Ensemble, é un dos principais referentes da música de cámara da provincia. A súa formación conta cun plantel de trece compoñentes (once instrumentistas e dous vocalistas), e goza dun prestixio gañado a pulso ao longo dos case cinco anos da súa existencia, e dos múltiples concertos e repertorios diferentes desenrolados neste tempo. Os instrumentos que se cederán por parte da Deputación para os concertos son: unha zanfona medieval, unha viola de tres cordas, un salterio e unha Giga. Algúns deles creáronse no Obradoiro de instrumentos musicais do CENTRAD que impulsou a Deputación na pasada anualidade.
8 Concertos por toda a provincia en lugares históricos
A programación para cada un destes 8 concertos inclúe ademais unha exposición con pezas exclusivas de instrumentos medievais que se utilizan nestas mesmas actuacións. Estas pezas saíron do Obradoiro de instrumentos musicais do CENTRAD que impulsou o Goberno da Deputación na pasada anualidade. Ademais, as actuacións realízanse en edificios e lugares históricos que teñen relación coa música medieval, e que contan cun patrimonio histórico moi relevante como a Catedral de Lugo, a Igrexa de San Estevo de Ribas de Miño, ou a Igrexa de Santa Mariña, entre outras. As datas son;
Antas de Ulla, 14 de abril
Igrexa Santa Mariña, ás 19:00 horas
Monforte de Lemos, 3 de maio
Casa Cultura Lois Pereiro, ás 20:15 horas
Portomarín, 5 de maio
Igrexa de San Xoán, parroquia de San Nicolás, ás 19:00 horas
O Saviñao, 9 de xuño
Igrexa de San Estevo de Ribas de Miño, ás 19:00 horas
Castroverde, 30 de xuño
Igrexa de Santiago de Vilariño, ás 19:00 horas
Viveiro, 11 de xullo
Teatro Pastor Díaz, ás 20:30 horas
Alfoz, 15 de setembro
Igrexa do Castro, ás 19:00 horas
Lugo, 13 de outubro
Catedral de Lugo, ás 17:00 horas
“O son do tempo”, na Capela de Santa María
“O son do tempo”, é a exposición que se inaugurará nos vindeiros días na Capela de Santa María, na que destaca a colección máis importante en Europa de instrumentos de corda medievais dos séculos XII e XIII. Nesta mostra haberá unha selección de instrumentos medievais do CENTRAD, que foi declarada pola Xunta visitable de contido especializado no 2008. Unha colección que abrangue instrumentos de música, tanto do patrimonio musical galego como numerosos exemplares procedentes doutras culturas, instrumentos mecánicos, obxectos e xoguetes sonoros, indumentaria tradicional e réplicas en preto de iconografía musical. O Goberno da Deputación é pioneiro na recuperación de instrumentos medievais grazas ao traballo coordinado entre artesáns, organólogos, historiadores de arte e músicos que se ven desenvolvendo no Obradoiro Instrumentos musicais dende fai anos.
Presentación
Ao acto de presentación no Obradoiro de Instrumentos do CENTRAD este xoves asistiron tamén o Vicario Xeral da Diocese de Lugo, Mario Vázquez Carballo, quen agradeceu o traballo da Deputación na difusión desta programación, “ xa que achega a musica medieval a través das igrexas da provincia”. Pola súa banda, o director de Lucus Ensemble, Santiago Noriega asegurou que os compoñentes da formación “estamos todos moi ilusionados con este novo proxecto”. Tamén asistiu a este acto o Alcalde de Alfoz, Jorge Val, así como persoal responsable do CENTRAD e músicos de Lucus Ensemble.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
