Mondoñedo, de abril do 2019. A asemblea local do BNG no concello de Mondoñedo anuncia que o novo cabeza de lista para as eleccións municipais de maio será Eloi Cabanas Ramos.
Cabanas, nado en Vilamor no 1977, está relacionado co medio rural e o medio ambiente, é Técnico Superior en Xestión de Recursos Naturais e Paisaxísticos e Técnico Especialista en Explotacións Agropecuarias. Na actualidade traballa como Bombeiro Forestal no Servizo de Prevención e Defensa contra Incendios Forestais da Xunta de Galicia no Distrito VI da Mariña. O alcaldable do BNG tamén está moi vinculado á música mindoniense, formou parte de varias agrupacións locais e actualmente e membro da banda Pascual Veiga de Mondoñedo onde toca o saxo e clarinete.
Eloi Cabanas, que xa substituíra ao anterior alcalde de Mondoñedo, Orlando González, na portavocía do concello logo das municipais do 2015, declara que se presenta a estas eleccións con moita ilusión, responsabilidade e co aval do traballo realizado nestes últimos catro anos desde a oposición, poñendo derriba da mesa propostas e alternativas que evidencian a necesidade de que o BNG estea no concello con forza para liderar un goberno capaz de desenvolver, todas esas iniciativas que lograron aprobar no concello e que o goberno popular de Elena Candia non soubo sacar a diante.
Para Eloi Cabanas, o goberno municipal nestes últimos catro anos non foi quen de dar solución a ningún dos problemas estruturais que padece o concello, “Mondoñedo ten un problema demográfico moi grave que afecta ao dinamismo económico do concello, temos unhas das estruturas de idade máis envellecidas da comarca cunha perda de poboación do redor de 80 habitantes ao ano”.
O novo cabeza de lista apunta que a súa formación está a punto de cerrar a lista con que o BNG local se vai presentar a estas eleccións e que xa están centrados na elaboración do programa electoral para os comicios do mes de maio.
“No BNG temos as ideas claras do modelo de concello que queremos para Mondoñedo, un concello coidado, con vida e onde a nosa mocidade non se vexa obrigada a marchar por falta de expectativas ou oportunidades de traballo”.
Segundo o BNG, a cidade necesita un alcalde ocupado en dar solución aos problemas diarios da veciñanza e coa cabeza posta só en Mondoñedo.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continúa o sábado, a partir das 19.00 horas, coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A organización, a cargo da Asociación R.C.M. Amigos de Monte Castelo, abrirá a venda de parcelas os días 21 e 22, en horario de 18:30 a 20:30, primeiro para confirmar as reservas do ano anterior e despois para repartir as libres. O venres terá lugar a misa na igrexa de Vila do Medio ás 20:00 e, xa pola noite, a actuación do grupo Pekados e o DJ Balbi. O sábado comezará coa sesión vermú a cargo de SP The Sound Project, seguida do concurso de disfraces, xogos infantís, tardeo con DJ Pepu, bingo musical con Marisa Prisa e unha verbena con Pantera Rosa e Gin Toni’s. O domingo celebrarase a misa e procesión en honra á Nosa Señora das Marabillas ás 13:00, e a sesión vermú correrá a cargo do dúo Épok. A romaría conta coa colaboración do Concello de Burela, ABSA e Ledicia, ademais de numerosos establecementos locais.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Nesta ocasión contará, ademais de cos anfitrións A Subela, como grupo convidado ao Grupo Folclórico e Etnográfico do Cimeiro, procedente de Soure, en Portugal, que participa dentro dun intercambio cultural. A organización destaca que será unha edición especialmente significativa e anima ao público a non perdela. Terá lugar o 18 de xullo, ás 21:00 horas, na Praza Conde de Fontao, de Foz.
