Foz, 12 de abril de 2019. O Centro Comercial Aberto de Foz organiza a campaña Comercio na Rúa que se desenvolverá os días 17, 18 e 20 deste mes de abril, coincidindo coa Semana Santa.
Os 25 comercios participantes ofrecerán descontos especiais e instalarán os seus postos na rúa. Desde o CCA advirten que “en caso de mal tempo os establecementos participantes ofrecerán os descontos no interior dos seus locais”.
José Carlos Paleo, o presidente do colectivo empresarial, sinala que “é un bo momento para facerse con artículos de tempada a prezos interesantes”.
Os comercios sumados a esta iniciativa son: 5 Lobiños, Alma Libre, Arrullos, Briz Peluquería, Carmen León Zapatería, Chinela Nenos, Chuvia, Decoraciones Pura, Din y Don, Don Zapato, Ginzo Hombre, Ginzo Mujer, Librería Bahía, Longarela, Lourdes Moda Íntima, María Docampo, N1 Deportes, OfiFoz, Sensación Surf, Sueños, Unique-2, Vagaluz, Vas´s, Vas´s Outlet e Xanela. Algún destes establecementos, polas características da súa actividade, ofrecerán os seus descontos no interior do local.
Na campaña organizada polo CCA colaboran o Concello de Foz e a Xunta de Galicia.
Esta non é a única iniciativa que ten en marcha o Centro Comercial Aberto de Foz durante a Semana Santa, xa que do 18 ao 20 de abril terá lugar a 16ª Ruta das Tapas na que participarán 15 establecementos hostaleiros.
O CCA de Foz organiza a campaña Comercio na Rúa os días 17, 18 e 20 de abril. 25 establecementos ofrecerán descontos durante a Semana Santa
Relacionado
-
A Xunta anuncia en Muras a ampliación da variación máxima de potencia para acelerar a modernización eólica en Galicia
-
Arrinca o Obradoiro de Emprego dos concellos de Burela, Cervo e Xove, centrado na especialidade de xardinería
-
As novenas xornadas gastronómicas ‘Asturias en Ribadeo’ terán lugar do 23 ao 25 de outubro
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
