Burela, 11 de abril de 2019. O Concello de Burela organiza unha viaxe para xubilados, á zona da conca mineira asturiana, que terá lugar o vindeiro 30 de abril.
O prazo de inscrición ábrese o luns da vindeira semana, día 15, e remata o martes 23, en horario de 10 a 14 horas. As anotacións faranse por orde de inscrición ata completar as prazas, que serán arredor de 52. Terán que facerse no departamento de Servizos Sociais do Concello de Burela e terán preferencia os xubilados da localidade, maiores de 61 anos.
O custe será só a entrada ao Museo da Minería (voluntaria) cun prezo de 5 euros que se abonarán no Museo. A saída farase desde a Estación de Autobuses de Burela, ás 9:30 horas. A chegada a El Entrego, en Asturias, ao Museo da Minería e á Industria está prevista para as 11:45 horas.
A xornada continuará ás 14:00 horas, para comer en Restaurante Canzana unha comida típica asturiana. Ás 16:00 horas, os participantes emprenderán viaxe a Campo de Caso onde está o Centro de Interpretación do Parque Nacional de Redes, haberá unha visita ao Centro e á contorna do Parque. Ás 18:00 horas, desprazaranse a Rioseco onde está o embalse e o miradoiro Monumento á Liberación. A saída de regreso a Burela está prevista para as 19:30 horas.
O alcalde de Burela, Alfredo Llano, declarou que “esta viaxe se organizou para dar resposta á demanda por parte de un bo número de xubilados do concello de organizar algunha saída ou viaxe destinado a eles, como o que fixemos o ano pasado a Noreña e aos Lagos de Covadonga. O Concello decidiu organizar esta excursión de un día a zona da conca mineira asturiana onde se visitarán zoas de gran riqueza natural e cultural”.
O Museo da Minería e da Industria de Asturias, situado preto de El Entrego, no concello de San Martín del Rey Aurelio, é o segundo máis visitado de Asturias. Recolle a intensa actividade mineira que se desenvolveu nas concas mineiras asturianas desde o século XVIII. O Parque Natural de redes foi declarado como tal en 1996 coa finalidade de protexer os seus valores naturais e paisaxísticos, así como ao obxecto de mellorar a calidade de vida da súa poboación mediante a adopción de medidas de dinamización e desenrolo económico.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
