Burela, 3 de maio de 2019. Na Casa da Cultura de Burela inaugurouse hoxe a exposición Auga. O sangue da terra, de Manuel Varcárcel. A mostra permanecerá ata o 28 de maio e o horario de visitas será de 10 a 13 horas e de 17 a 20 horas de luns a venres. A exposición chega á vila da man de ABanca e Afundación, tras o convenio de colaboración asinado hai uns días co Concello de Burela.
O alcalde burelés, Alfredo Llano, explicou que “é unha exposición de sensibilización sobre o elemento da auga porque realmente debe ser algo que nos debe preocupar e que debemos atender, que debemos xestionar e desde logo telo sempre presente en todo o aspecto da vida para que estea da mellor maneira posible do noso lado e tratar de ser responsables no seu consumo”.
O rexedor contou que “houbo alumnos esta mañá do IES Monte Castelo e basicamente o que viñemos a indicar un pouco todos é que debemos ter a responsabilidade clara de coidar a auga e o medio ambiente, se coidamos o medio ambiente a auga é un recurso que procede dunha boa xestión do medio ambiente”.
Llano invitou “a todo o mundo, a escolares, familias e a todos, a que vaian ver esta exposición. É unha mostra de moitas fotos que foron sacadas en moitos puntos do noso planeta. Eu creo que hai de todos os continentes e tamén de Galicia, hai unhas fotos do Caurel moi bonitas. Tratan todas elas da auga e é unha boa maneira de chamar a atención sobre a responsabilidade que hai que ter, a escaseza da auga que pode dar lugar a problemas, a necesidade do bo uso e ter en conta que entre todos debemos apoiar sempre ter da mellor forma posible este elemento. Invitar pois a todo o mundo, de Burela e de fora. É unha exposición que vai estar ata o 28 de maio, inaugurouse hoxe, e está na sala de exposicións da Casa da Cultura de Burela. Polo tanto convidar tanto a veciños e veciñas de Burela como da comarca da Mariña”.
Ao acto desta mañá asistiron ademais de directivos de ABanca e de Afundación o alcalde burelés, Alfredo Llano, e o concelleiro de Cultura, José Díaz.
Inaugurouse na Casa da Cultura de Burela a exposición Auga. O Sangue da Terra, de Manuel Varcárcel, que se poderá visitar ata o 28 de maio
Relacionado
A entidade, coa colaboración da Vicepresidencia da Deputación, organizará nas próximas semanas a XIII exposición Tal como eramos (28 de agosto), a proxección do filme Antes de nós (3 de setembro) e a homenaxe polo XXII cabodano de Manuel María (6 de setembro). A área de Cultura provincial reforza así o seu apoio continuado ao Iescha, referente na conservación e difusión da cultura galega e chairega.
No acto, o autor estará acompañado por Xosé Ramón Veiga, profesor de Historia Contemporánea na USC, e por Francisco Villamil, profesor de Ciencia Política na Universidade Carlos III. A Galicia moderna (1880-1939) desmonta a visión tradicional dunha Galicia rural, atrasada e pasiva no cambio de século, e amosa a profunda transformación económica, agraria e social que viviu o país nese período.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
