Riotorto, 2 de maio. Luis Fernández encabeza a lista do BNG de Riotorto para as eleccións municipais do vindeiro 26 de maio. Traballador do servizo de mantemento do Hospital da Mariña, conta cunha gandería de razas autóctonas en réxime ecolóxico.
Nado na Casanova (Órrea) e residente en Chacín (Santa Marta de Meilán), incorpórase á política municipal co aval dunha participación activa na vida cultural do concello como membro da Asociación de Veciñas e Veciñas de Órrea e do club Arcasco-Carballal, que impulsa a recuperación dos bolos celtas.
“Decidín formar parte desta candidatura porque me gusta participar activamente na vida do Concello de Riotorto, traballando pola posta en valor do medio rural e a busca de alternativas para un asentamento da mocidade e do benestar social”, expuxo o candidato á alcaldía pola formación nacionalista.
Fernández impulsará un programa centrado en apoiar o potencial produtivo da agricultura e da gandeiría como proxecto de futuro para un municipio cunha poboación envellecida – 4 de cada 10 riotortenses son maiores de 65 anos- e cunhas rendas baixas altamente dependentes das pensións.
Con Luis Fernández , o BNG aspira tamén a “recuperar a axenda social” para o concello, despois de catro anos nos que o goberno do Partido Popular “transladou á veciñanza a factura da crise en forma de subidas nas taxas do lixo e impostos como o IBI”.
Os nacionalistas lembran que o Partido Popular eliminou a gratuidade do Servizo de Axuda a Domicilio, que se mantivo sen custe adicional para a veciñanza durante o goberno nacionalista, “nos peores anos da crise”.
Fronte a ese modelo, o actual goberno “segue con políticas de parcheo nos camiños dos pobos, con obras feitas a correr sen consultar coa veciñanza, sen consenso e sen estudos dos factores que inflúen na súa viabilidade e bo trazado, co deterioro da contorna e o gasto que iso supón”, critica Fernández.
Luis Fernández encabeza a candidatura do BNG de Riotorto, que pretende recuperar a axenda social para o concello
Relacionado
-
A Xunta e a Confraría de Ribadeo analizan novas liñas de apoio para fortalecer a actividade pesqueira local
-
Feijóo alerta dun momento “destituyente” en España durante a súa visita á exposición dedicada ao expresidente Calvo-Sotelo en Ribadeo
-
A Xunta e o Concello de Alfoz analizan novas melloras en infraestruturas e servizos
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
