Ribadeo, 4 de maio de 2019. O candidato do Partido Popular á Alcaldía de Ribadeo, Daniel Vega, denuncia que Fernando Suárez impide celebrar na vila ribadense unha feira organizada pola Xunta de Galicia para promover a praza de abastos.
Daniel Vega explica esta decisión “total e absolutamente desafortunada do señor Suárez, feudal que prohibiu á Xunta de Galicia realizar un evento que tería unhas consecuencias moi positivas para Ribadeo, concretamente para a praza de abastos. Os praceiros e a Xunta de Galicia estiveron traballando durante un tempo para organizar un acto no aparcamento da praza, onde se ía poñer unha carpa, á que poderíamos acudir todos os veciños de Ribadeo e os visitantes que se achegaran a esa feira, que ía servir para poñer en valor os produtos da horta, a froita, a carne, o peixe, que poderíamos degustar porque os cociñeiros da Mariña, a través dunha asociación que se constituíu hai menos dun ano, ían elaborar produtos para degustar. Faríano con eses produtos que comercializan os praceiros e que temos que poñer en valor”.
O alcaldable do PP ribadense engade que “apostar por Ribadeo tamén é abrir as portas á colaboración institucional e preguntámonos por que o señor Suárez pon paus nas rodas a decisións directas dos praceiros e que ían ter uns beneficios moi importantes para Ribadeo. Este señor – Fernando Suárez- manda unha carta á Xunta de Galicia prohibíndolle investir en Ribadeo porque todas as medidas que el esixe cumprir son imposibles de adoptar. Por exemplo, como se pode montar e desmontar unha carpa no mesmo día? Por que non deixa enganchar á rede eléctrica para ter subministro de luz?”
Vega afirma que Fernando Suárez toma estas decisións porque “pensa que é o dono de Ribadeo, confunde ser alcalde con ser feudal e cre que o pobo é seu. Estas decisións desafortunadas e actitudes totalmente caciquís pagámolas todos os ribadenses. Polo tanto esíxolle que acuda á praza de abastos e aos distintos medios de comunicación para explicarlles aos praceiros e aos ribadenses por que pon paus nas rodas á que a Xunta de Galicia veña a Ribadeo para investir en algo que repercutiría positivamente na vila, no comercio, na hostalería e sobre todo na praza de abastos. Temos que abrir a praza de abastos ao investimento porque vostede anuncia moito pero concreta pouco. Abra a mente, señor Suárez, e permita que a Xunta de Galicia veña a Ribadeo investir para beneficiar aos ribadenses”.
O PP denuncia que Fernando Suárez impide celebrar en Ribadeo unha feira organizada pola Xunta para promover a praza de abastos
Relacionado
-
A Deputación investirá 260.000 euros na mellora de dúas estradas clave de Burela
-
O Concello de Viveiro lembra as normas de seguridade e convivencia para a Romaría do Naseiro, que comezou este venres
-
Ribadeo vive unha fin de semana gastronómica con catro grandes citas: Feira do Mel, Festa da Ría, Carne ao Caldeiro e Mercado do Camiño
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
Dende as 10 da mañá máis de 170 vehículos ocuparán o aparcamento de Coto ata as 13:30, cando partirán en caravana cara Arealonga. Alí permanecerán ata as 17:00, momento no que iniciarán a ruta pola estrada das praias, regresando ás 18:30 para a entrega de premios e a clausura, prevista para as 20:30. A cita reunirá máis de 300 participantes, con presenza de persoas chegadas de Pamplona, Bilbao e doutros puntos do Estado. O evento, organizado por retroclasicos_barreiros e co apoio do Concello, continúa a atraer amantes dos vehículos clásicos e a dar visibilidade á beleza de Barreiros.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
