Ribadeo, 19 de maio de 2019. O PSOE de Ribadeo presentou este domingo a candidatura coa que concorre ás Eleccións Municipais e que encabeza a socialista, Marta Rey. Fíxoo nun acto arroupada polo Presidente da Deputación, Darío Campos Conde, a Deputada do PSOE pola Provincia de Lugo no Congreso, Sonsoles López Izquierdo, e o Deputado socialista no Parlamento Galego, Luis Álvarez.
Marta Rey destacou que “chegamos a estas eleccións cunha mochila valeira, valeira de cargas, de resentimento, de envexas, de corrupción, de débedas, de favores prestados a cambio de prebendas. Pero si vai cargada de ilusión, de proxectos, de imaxinación e sobre todo de vontade para construír un Concello que sexa dinámico, moderno, con servizos de calidade tanto para a xente nova coma para os nosos maiores, para as mulleres, para as pequenas e medianas empresas e para as persoas que viven no rural. Esta é a nosa carta de presentación: xuventude, ilusión, iniciativa, coñecementos, capacidade e sobre todo moito traballo. Porque correspóndenos a nós, á xente nova, construír un futuro mellor para Ribadeo”.
O PSOE comprometido coa residencia de Ribadeo
Os socialistas puxeron en valor os 2,1 millóns de euros que o Executivo Provincial levou a Ribadeo para a construción da residencia e centro de día do Concello. Campos Conde subliñou que “foi o PSOE o que unha vez máis amosou o seu compromiso cos veciños de Ribadeo. E os feitos o demostran. Achegamos dito investimento para a residencia da terceira idade porque a Xunta de Galicia non achegou nin un só euro. E o fixemos, sufrindo as constantes trabas do PP, porque defendemos o estado de benestar. Agora, agardamos que nos vindeiros días Ribadeo abra a súa residencia e conte, grazas aos socialistas, cunha dotación fundamental”.
O Goberno da Deputación achegou 3 millóns máis
Marta Rey salientou que “sen a axuda dos nosos compañeiros no Goberno Provincial Ribadeo estaría totalmente abandonada, pois a Xunta de Galicia do PP non trouxo ningún investimento novo durante 4 anos. E temos que dicilo, os veciños de Ribadeo fomos discriminados polo goberno galego. Ante esta situación, o PSOE amosou a súa sensibilidade e destinou 3 millóns de euros para mellorar as prestacións públicas municipais. Con dito orzamento acondicionáronse accesos en 5 parroquias, beneficiando a 1.000 veciños; renováronse alumeados, rehabilitouse a Avenida Ribadeo e as rúas Paco Lanza e Alfreso Deaño, melloráronse saneamentos…Tamén se arranxará o campo de fútbol Pepe Barrera, con 140.000 euros da Deputación, pois unha vez máis o goberno galego nin está nin se lle espera”.
Propostas realistas
“Dende o PSOE levamos un programa cheo de propostas realistas, sen grandes obras faraónicas que outros partidos prometen e que son inviables. Unha desas iniciativas é a construción dun aparcadoiro soterrado e outro en superficie en Rinlo, ambas inversións levarémolas a cabo con financión público-privada. Por outra banda, parécenos importante a instalación de pantaláns flotantes na Praia dos Bloques para facilitar o acceso á ría tanto aos bañistas como aos deportistas dos clubs de Ribadeo”, destacou a candidata socialista.
Atención especial ao alumeados, saneamentos e reciclaxe
“Dotaremos de alumeados públicos porque non podemos delegar nos comerciantes da vila a iluminación das principais rúas. Desenvolveremos un Plan integral para que todas as parroquias dispoñan de saneamento en condicións. Promoveremos unha campaña eficaz e firme de limpeza na vila e concienciación da reciclaxe, cunha limpeza selectiva para a hostalería e o comercio, a instalación progresiva de contedores soterrados e bocas de rego para incendios e limpeza das rúas”.
O acto terá lugar o vindeiro luns 18 de maio, coincidindo coa celebración do Día Internacional dos Museos, unha data sinalada para poñer en valor o patrimonio cultural e mariñeiro do concello. Tras un período de traballos de mellora e adecuación, o museo —un referente na comarca— reabre para ofrecer ás persoas visitantes unha viaxe inmersiva a través da herdanza mariñeira, da industria conserveira e da estreita relación das súas xentes co Cantábrico.
Unha obra para todos os públicos. Hora: 20.00. Entrada libre ata completar aforo, non é necesario facer reserva de entradas.
O encontro, aberto ao público, terá lugar na Casa Museo Álvaro Cunqueiro e será moderado por membros da propia asociación. A sesión busca reflexionar colectivamente sobre a posibilidade de que Mondoñedo aspire a ser recoñecida como Patrimonio da Humanidade, abordando a cuestión desde perspectivas históricas, patrimoniais, artísticas, naturais e humanísticas. A actividade comezará ás 11:00 h e a organización anima a toda a veciñanza a participar e compartir opinións.
O Comité de Empresa de Alúmina‑Aluminio San Cibrao informa de que a Secretaría de Industria convocou ao comité á 19ª reunión de seguimento do acordo de viabilidade, que se celebrará o venres 15 de maio ás 12:30 horas na Delegación do Goberno en A Coruña. Unha vez rematada a reunión, o comité procederá a informar aos traballadores sobre os resultados e avances do encontro.
A participación estará aberta do 14 ao 18 de maio, e a persoa gañadora poderá escoller entre cinco modelos diferentes. A propietaria, Susana Moreira, fai un balance moi positivo desta década, na que o negocio evolucionou ata centrarse en mercería, venda de la e artigos artesanais elaborados por ela mesma. Ademais, ofrece arranxos de roupa e organiza cursos e talleres de ganchillo, calceta e bordado, como o previsto para o 23 de maio. A maior parte da clientela e das persoas que participan nas actividades son mulleres, aínda que tamén acoden nenos e mozos interesados en técnicas como os amigurumis.
Será este xoves, día 14 de maio, ás 19:00 horas no salón de actos do Concello. O mago Pedro Bugarín presentará o seu espectáculo titulado Galicia con maxia. Para esta actividade o Concello de Lourenzá conta coa colaboración da Deputación de Lugo.
Nesta ocasión participará Susana Vázquez Fernández, coach de saúde emocional e facilitadora en procesos de duelo e perda, que impartirá o faladoiro “Xestión do ánimo”, centrado en técnicas de relaxación, pensamento positivo e coidado da saúde mental para mellorar o benestar emocional. A actividade está aberta á veciñanza e busca crear un espazo para compartir, aprender e coidarse en comunidade. Conta co apoio e colaboración da Asociación de Xubilados Terramar.
