Ribadeo, 3 de maio de 2019. O salón de plenos do Concello acolleu este venres un acto de homenaxe ás concelleiras, concelleiros e alcaldes que formaron parte das Corporacións Municipais Democráticas de Ribadeo desde 1979 ata a actualidade. No evento interviron os voceiros e voceiras dos grupos políticos que forman parte da actual Corporación Municipal, o cronista oficial de Ribadeo e o ex alcalde da primeira Corporación da democracia. Haberá acompañamento musical nesta tarde de homenaxe na que os edís recibirán como agasallo unha enseña conmemorativa.
O alcalde, Fernando Suárez, explicou que “celebrouse este acto tan emotivo de homenaxe aos homes e mulleres que formaron parte das diferentes Corporacións Municipais de Ribadeo en todo este período democrático de corenta anos, de 1979, data das primeiras eleccións municipais democráticas despois da ditadura franquista, ata o día de hoxe 2019”.
O rexedor ribadense subliñou que “nestes corenta anos foron moitas as Corporacións, eu penso que non hai máis alta honra que a de representar aos veciños seus, aos veciños e ás veciñas dun concello, e este acto de lembranza e de memoria compartida quere ser un homenaxe e un recoñecemento nun acto sinxelo, pero ao mesmo tempo sentido e agarimoso”.
Suárez Barcia comentou que “neste acto tiveron tamén participación os voceiros dos diferentes grupos de goberno da Corporación Municipal actual, así como unhas verbas do cronista oficial de Ribadeo e do ex alcalde da primeira Corporación democrática. Estou convencido que moitísima xente que nos representou ao longo destes corenta anos de historia democrática sentíronse reconfortados de estar de novo no salón de plenos municipal”.
O salón de plenos do Concello acolleu un acto de homenaxe ás concelleiras, concelleiros e alcaldes que formaron parte das Corporacións Municipais Democráticas de Ribadeo desde 1979
Relacionado
A entidade, coa colaboración da Vicepresidencia da Deputación, organizará nas próximas semanas a XIII exposición Tal como eramos (28 de agosto), a proxección do filme Antes de nós (3 de setembro) e a homenaxe polo XXII cabodano de Manuel María (6 de setembro). A área de Cultura provincial reforza así o seu apoio continuado ao Iescha, referente na conservación e difusión da cultura galega e chairega.
No acto, o autor estará acompañado por Xosé Ramón Veiga, profesor de Historia Contemporánea na USC, e por Francisco Villamil, profesor de Ciencia Política na Universidade Carlos III. A Galicia moderna (1880-1939) desmonta a visión tradicional dunha Galicia rural, atrasada e pasiva no cambio de século, e amosa a profunda transformación económica, agraria e social que viviu o país nese período.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
