Ribadeo, 2 de maio de 2019. O salón de plenos do Concello acolleu esta tarde a presentación do III Plan de Igualdade de Oportunidades entre Mulleres e Homes para o período comprendido entre 2019 e 2022.
No acto a concelleira de Igualdade, Mariluz Álvarez Lastra, fixo un repaso das actuacións desenvolvidas no Concello durante os últimos anos, desde a creación da primeira Concellaría da Muller en 2003, pasando pola creación do CIM en 2004, do Consello Municipal das Mulleres en 2005 (polo que pasaron xa coma vogais 100 mulleres) e dos anteriores Plans de Igualdade de Oportunidades entre Mulleres e Homes.
Despois foi a quenda para a equipa técnica responsable da elaboración do Plan que hoxe se presentou. Tania Merelas, a técnica de Arabias, expuxo o proceso e a metodoloxía empregadas para a elaboración do III Plan de Igualdade de Oportunidades entre Mulleres e Homes. As fases do plan foron: fontes oficiais (entrevista CIM); cuestionario persoal técnico; mesas de traballo diagnose e planificación; e redacción e presentación do III Plan.
Desde a Concellaría de Igualdade e desde o CIM subliñan que “o plan ten como principios reitores: o enfoque feminista das políticas públicas –transversalidade-; a igualdade entre mulleres e homes; a loita contra a violencia machista; a coeducación; a diversidade; un enfoque preventivo; a participación e o compromiso; e o coidado ou centralidade da vida”.
E engaden que o obxectivo xeral pasar “por promover a igualdade efectiva e real entre mulleres e homes en relación ás oportunidades de gozar dunha vida digna e libre de violencia machista”.
O eixos de traballo que vertebran o III Plan de Igualdade de Oportunidades entre Mulleres e Homes do Concello ribadense son “a educación en igualdade; a vida libre de violencia machista; o apoderamento e participación social; a organización social corresponsable e o mercado laboral; a saúde, o deporte e calidade de vida; e a transversalidade de xénero na administración municipal”.
A edil Mariluz Álvarez Lastra dixo que se trata dun documento de traballo para seguir cumprindo e aludiu ás actividades que se desenvolverán de prevención, de sensibilización, de ocio e de tempo libre, así como á posta en valor do CIM “como lugar de asesoramento, de información e como elemento organizador e planificador de todas estas políticas”.
A concelleira de Igualdade sinalou que “non se pode facer política si non existe dotación orzamentaria, cada actividade e cada partida leva unha contía económica con cargo aos presupostos municipais”. E engadiu que “as mulleres que participamos na elaboración deste III Plan estamos moi contentas de poder levalo cabo e de que Ribadeo siga camiñando en prol da igualdade e da prevención en violencia de xénero, que é o que máis nos interesa”.
O acto deste tarde, que foi aberto ao público, rematou coa proxección da curta de Sara Varela titulada B positivos, que levou o Premio ao Mellor Videoensaio sobre Audiovisual Galego nos III Premios María Luz Morales da Academia Galega do Audiovisual (edición 2019).
O salón de plenos do Concello de Ribadeo acolleu este xoves a presentación do III Plan de Igualdade de Oportunidades entre Mulleres e Homes para o período comprendido entre 2019 e 2022
Relacionado
-
A Xunta e a Confraría de Ribadeo analizan novas liñas de apoio para fortalecer a actividade pesqueira local
-
Feijóo alerta dun momento “destituyente” en España durante a súa visita á exposición dedicada ao expresidente Calvo-Sotelo en Ribadeo
-
A Xunta e o Concello de Alfoz analizan novas melloras en infraestruturas e servizos
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
