O Vicedo, 17 de maio de 2019. O PSOE do Vicedo presentou este venres a candidatura coa que participa nas Eleccións Municipais do 26 de maio e que encabeza o actual voceiro local, Vicente Parapar. Estivo arroupado polo Presidente da Deputación, Darío Campos Conde, a Deputada no Congreso, Sonsoles López Izquierdo, e compañeiros da Mariña.
Vicente Parapar subliñou que “tras máis de 10 anos de parálise do PP é o momento de achegar aire novo ao Vicedo e ofrecer políticas reais para os nosos veciños porque o municipio non avanzou en nada. Necesitamos un Concello que estea ao servizo das persoas e que o acceso destas á administración sexa sinxelo, áxil e eficaz. Propoñemos un Concello plenamente democrático facilitando a participación cidadá e garantindo a máxima transparencia na toma de decisións. Queremos que todos os veciños teñan as mesmas oportunidades. Isto só será real da man do PSOE. Ao igual que o facemos dende o Goberno da Deputación, a única institución comprometida en solucionar os problemas dos veciños do Vicedo”. Neste eido o Presidente da Deputación puxo en valor os 1,4 millóns de euros que o PSOE dende o Executivo Provincial destinou ao Concello para mellorar as prestacións públicas municipais, como a mellora de accesos en Tellado, Mosteiro, San Roque e Pontellas, a renovación do alumeado na Praia da Abrela ou a rehabilitación da Casa do Mar, entre outras.
Compromiso co benestar dos veciños
O candidato sinalou que “un dos eixes vertebradores das nosas políticas é o benestar dos nosos veciños. Para iso poremos en marcha o centro de día na Casa do Mar, unha dotación fundamental para un Concello como o noso cunha poboación envellecida que necesita de atención profesional diaria. Tamén ampliaremos o números de horas do Servizo de Axuda no Fogar porque é inconcibible que nun municipio de 1.700 habitantes teñamos a persoas maiores en lista de espera. Ofreceremos axudas ás familias para á adquisición de material escolar, transporte, libros e matrículas para os estudantes do noso Concello e estudaremos, xunto con nais e pais, os horarios do PAI para lograr unha verdadeira conciliación da vida laboral e familiar”
Máis emprego e axudas ás novas empresas
“Desenvolveremos un programa de emprego a través dun rexistro municipal de demandantes de emprego e estudaremos o impulso de novas actividades para a creación de postos de traballo. Ofreceremos axudas ás novas empresas que se creen ou asenten no Vicedo, así como asesoramento para a posta en marcha de dito negocio
Aprobar o PXOM e dinamizar o turismo
Vicente Parapar advertiu da urxencia de rematar e aprobar o Plan Xeral de Ordenación Municipal “para que a Xunta de Galicia non nos impoña un máis restritivo”, así como a creación dun Rexistro municipal de bens. O candidato informou que actuarán na praia de Arealonga e na do Porto para a recuperación da contorna natural, dotarán de servizos básicos a todas as praias e deseñarán un plan municipal de actuación turística, “co obxectivo de dinamizar o motor económico do noso Concello, o turismo, que aporta moitos empregos e que non se están aproveitando as oportunidades do sector”.
Veciños ilusionados en traballar polo Concello
“Somos un grupo de veciños con moita ilusión de traballar por e para o Concello”. A candidatura do PSOE no Vicedo está integrada por Vicente César Parapar Carreja, Verónica Canoura Paz, Lucia Prieto Fraga, José Ramón García Varela, Olga Fraga Grandio, Juan Carlos González Trasancos, María Roberta Serantes Deben, María Luisa Oca Timiraos, Luis Lozano Pedreira Francisco José Iglesias Franco.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
