Lugo, 3 de xuño de 2019. O Deputado de Turismo en funcións, Eduardo Vidal Baamonde, participou este luns, na Casa Habanera de Guitiriz, na presentación das XII Xornadas do Peregrino Abrindo Camiño nas comarcas de A Mariña e a Terra Chá. No marco desta iniciativa, impulsada pola Asociación de Amigos do Camiño do Norte Abrindo Camiño e na que colaboran a Deputación e os concellos de Lourenzá, Mondoñedo, Foz, Barreiros e Guitiriz, realizaranse catro andainas no mes de xuño para impulsar o Camiño do Norte ao seu paso pola provincia de Lugo.
As tres primeiras rutas serán os días 16, 23 e 29 de xuño e discorrerán pola variante marítima do Camiño do Norte, polos municipios de Ribadeo, Barreiros, Foz, Lourenzá e Mondoñedo. A cuarta andaina será o 30 de xuño polo Camiño do Norte ao seu paso polas localidades de Baamonde, en Begonte, e Parga, en Guitiriz.
As persoas interesadas en participar poden anotarse, ata o 12 de xuño, nas Oficinas de Turismo dos concellos de Mondoñedo, Lourenzá, Barreiros e Foz e tamén a través da Asociación Abrindo Camiño, no teléfono 639072769. O custo por cada andaina é de 5 euros e as prazas son limitadas.
Programa e itinerario
A primeira andaina deste programa será o domingo 16 de xuño cunha etapa por Ribadeo-Barreiros-Basílica de San Martiño (Foz) polo Camiño Natural da Ruta do Cantábrico. É unha ruta de sendeirismo cunha distancia de 20 quilómetros de perfil suave. A saída está prevista ás 10:00 horas desde Rinlo, en Ribadeo. Ás 14:00 horas haberá avituallamento con petiscos e produtos típicos. A andaina rematará cunha visita guiada á Basílica-Museo de San Martiño e coa actuación da Banda Municipal de Música de Foz dedicada especialmente a Xesús Fernández “Suso do Bahía”, directivo Delegado de Abrindo Camiño e Cronista oficial de Foz.
A segunda etapa deste programa será o domingo 23 de xuño e discorrerá pola Basílica de San Martiño (Foz), A Cazolga e Vilanova de Lourenzá, polo Camiño Natural de San Rosendo. Trátase dunha andaina de 15 quilómetros cun perfil medio. A saída está prevista ás 10:00 horas desde San Martiño en Foz. Antes da saída os participantes visitarán o xardín botánico e Obradoiro de cerámica “Espazo Caritel”. Ao remate da ruta realizaranse visitas guiadas á Igrexa-Museo do Conde Santo e ao Centro de Interpretación da Faba de Lourenzá con degustación de petiscos e produtos típicos.
A terceira etapa, terá lugar o sábado 29 de xuño e discorrerá pola área Recreativa de “A Cazolga” en Lourenzá, Masma ata a área recreativa de “A Fervenza” de Viloalle en Mondoñedo. Trátase dunha andaina de 10 quilómetros e perfil suave que comezará ás 10:00 horas. Ás 12:30 horas os participantes serán recibidos na Finca Rural “O Remanso” da Ferrería de Viloalle, actual sede da Asociación Abrindo Camiño na que poderán participar na “Oración do Peregrino” oficiada por Alfonso Blanco Torrado, crego e directivo-delegado da Asociación “Abrindo Camiño” e por Xulio Xiz escritor e membro da Irmandade “Manuel María”.
A xornada rematará con Música e Poesía desde Mondoñedo en homenaxe a Miguel Freire “in memoriam”, coa colaboración de César Morán (guitarra) e Rebeca Maseda (violín), membros do Grupo Literario “Leiras Pulpeiro” de Mondoñedo e Mero Iglesias (guitarra) membro da Irmandade “Manuel María”. A andaina continuará ás 14:00 horas ata a área recreativa e etnográfica de A Fervenza de Viloalle en Mondoñedo rematando cunha romaría e actuacións musicais e xogos acuáticos na piscina fluvial. Ás 15:00 horas está previsto un xantar de confraternidade no merendeiro de “A Fervenza”, previa inscrición. No serán, continuará con xogos populares, un torneo da chave por parellas e actuacións musicais da banda de Música “Pascual Veiga” de Mondoñedo e do Grupo de Percusión da Escola Municipal de Música “O Pallarego”.
A última das andainas será o domingo 30 de xuño. Trátase dunha etapa que discorre por Baamonde en Begonte, a Igrexa de San Alberte e o Campo da Feira de Parga en Guitiriz. A ruta de perfil suave ten unha distancia de 12 quilómetros. A saída está prevista ás 9:00 horas desde a Igrexa de Santiago de Baamonde. Ás 10:30 horas, na Igrexa de San Alberte (Guitiriz) terán lugar varios actos en homenaxe ao sacerdote e fillo adoptivo de Guitiriz, Alfonso Blanco Torrado, pola súa labor en pro do Camiño de Santiago na Terra Chá. Tamén se presentará unha revista conmemorativa. A andaina contará con varias actuacións musicais e un recital poético e continuará ata a Feira tradicional de Parga en Guitiriz.
Ás 13:00 horas, no Salón Social do Centro de Iniciativas turísticas de Parga, celebrarase unha mesa de debate na que as Asociacións de Amigos do Camiño de Santiago analizarán o Ano Xubilar e o Xacobeo 2021. No encontro participarán Luis Gutierrez Perrino, Presidente da Federación Española de Asociacións de Amigos do Camiño de Santiago; Laureano Victor García Díez, Presidente da Agrupación de Asociacións “Camino del Norte” do Pais Vasco, Cantabria, Asturias e Galicia; Manuel López Vázquez, Presidente da Xunta Xestora da FEGAC Federación Galega de Asociacións de Amigos do Camiño de Santiago; Xosé María García Palmeiro, Presidente de APECSA a Asociación de Xornalistas e Estudosos do Camiño de Santiago; J. Luis Fernández Ansedes, Presidente da Asociación Abrindo Camiño de Amigos do Camiño Norte de A Mariña e a Terra Chá da provincia de Lugo.
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
