Burela 24-6-19. M.B.A.V, veciña de Burela presenta varías hernias lumbares e cervicais e protusións que provocan falta de sensibilidade nos membros inferiores, dor e limitacións para as actividades da vida diaria tendo que estar en incapacidade laboral transitoria dende fai 6 meses.
“Fun vista no Hospital da Mariña por traumatoloxía, sendo derivada a o servizo de rehabilitación onde recibe 6 meses de fisioterapia e a administración da toxina botulínica”, explica a afectada.
Ante a falta de melloría os médicos especialistas do Hospital da Mariña solicitan interconsulta preferente a Neurocirurxía no HULA para valoración e posibles tratamentos alternativos.
“O día 10 de abril de 2019 recibo unha carta certificada na que me dan cita para o 21/11/2019 ás 10,00 horas na consulta de neurocirurxía do HULA”, explica a afectada.
Por mor do seu cadro clínico e a falta de melloría presenta reclamación no Servizo de Atención ao Doente solicitando ser valorada por neurocirurxía coa maior brevidade posible.
“Sorprendentemente recibo resposta a finais de maio por escrito do HULA onde reprograman (cambio de cita) a miña consulta para a mesma data e hora que a primeira”, manifesta indignada.
M.C.A.V manifesta a súa indignación coa administración sanitaria, solicita ser atendida coa maior brevidade posible, facendo responsable aos xestores da EOXI de Lugo-Cervo-Monforte das consecuencias para o seu estado de saúde sen descartar acudir á vía xudicial.
“A parte dunha tomadura de pelo a resposta tamén supón poñer en risco a miña calidade de vida e curación”, insiste.
Dados os feitos, CIG Saúde A Mariña esíxelle á Xerencia que “deixe de xogar coa saúde das persoas e de burlarse delas porque xa non lle colan á xente as trapalladas que están a inventar” coas demoras e reprogramacións.
A mostra inaugúrase o luns 19 de outubro ás 12.00 horas na Casa da Cultura, onde permanecerá aberta ao público ata o 19 de novembro. A iniciativa, promovida polo Concello, ofrece unha selección de obras nas que o artista explora a cor, a luz e a expresión contemporánea, consolidando a súa traxectoria dentro deste movemento artístico.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
O 112 Galicia tivo constancia dos feitos contra as 19:30 horas deste venres, a través dun particular que se atopaba no punto: un coche que participaba nunha proba de rallye en San Fiz de Paz (Outeiro de Rei) perdeu unha roda, e esta acabou golpeando a un espectador, quen precisaba asistencia sanitaria. De inmediato, desde o 112 Galicia informouse a Urxencias Sanitarias de Galicia-061 e os axentes da Garda Civil. Foi a propia organización do evento a que se fixo cargo do traslado.
O paseo polas rúas da vila xunto as Sanluqueiras e Sanluqueiros e o pregón de Luis Rego marcaron o arranque oficial das feiras e festas mindonienses, que chegan este ano a edición 870. A Vicepresidencia da Deputación de Lugo colabora de forma estable e continuada coa Asociación As San Lucas de Mondoñedo, cunha achega da área de Cultura que este ano -coincidindo coa 870 edición- incrementou dos 20.000 aos 30.000 euros.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
