Santiago de Compostela, 16 de xuño de 2019.- A Consellería do Medio Rural segue avanzando nos procesos de concentración parcelaria de Galicia. Así, nos últimos días o director xeral de Desenvolvemento Rural, Miguel Pérez Dubois, vén de asinar a acta de reorganización da propiedade de cinco procesos de reestruturación da terra da provincia de Lugo. En concreto son as parcelarias de San Xiao de Mos, no concello de Castro de Rei; Fanoi, en Abadín; Órrea-Galegos, en Riotorto; Pousada, en Baleira, e Frexulfe, no Valadouro.
Todos estes procesos teñen xa esta acta, o que supón un paso máis de cara á entrega dos títulos de propiedade, que sería o último punto. Así, agora procederase á protocolización notarial das mesmas e á elaboración dos títulos de propiedade dos predios resultantes para a súa inscrición final no rexistro.
No que se refire á concentración de San Xiao de Mos, en Castro de Rei, o proceso beneficiou a 262 propietarios, que contaban inicialmente con 1.687 parcelas cunha superficie media de 2.609 metros cadrados. Estes predios reducíronse a 435 de 9.998 metros cadrados de media. Nesta parcelaria investíronse máis de 1,5 millóns de euros que permitiron reorganizar 435 hectáreas de terra. Cómpre sinalar que actualmente o concello de Castro de Rei ten xa reorganizada ou en proceso de concentración o 50% do seu territorio.
No concello de Abadín, a parcelaria de Fanoi contaba cunha superficie de 656 hectáreas de 248 propietarios. Respecto ao número de parcelas, pasaron de 2.506 cun tamaño medio de 2.618 metros cadrados a 550 predios de 11.174 metros cadrados. Neste caso investíronse máis de 1,8 millóns de euros.
Na parcelaria de Órrea-Galegos, no concello de Riotorto, tamén se chegou á fase de acordo e nela lévanse investidos 2,9 millóns de euros. Neste caso, a superficie da concentración é de 1.270 hectáreas, propiedade de 496 persoas. O número de predios pasaron de 9.091 a 1.437 e o seu tamaño medio aumentou de 1.397 metros cadrados a 8.838. Destaca a superficie concentrada deste municipio, que supera o 89 % do territorio.
A concentración de Pousada en Baleira beneficiou a 1.210 hectáreas de 178 propietarios que viron como as súas parcelas pasaban dunha media de 3.768 metros cadrados a 22.321 metros cadrados. Respecto ao número de predios, nun inicio eran 2.925 e quedaron en 489. Para esta mellora, a Consellería do Medio Rural investiu máis de dous millóns de euros.
Por último, no concello do Valadouro, asinouse a acta de reorganización da parcelaria de Frexulfe, de 118 hectáreas de superficie. Neste caso, os propietarios beneficiarios deste proceso son 156 que tiñan 959 parcelas de 1.226 metros cadrados de media cada unha e pasan a ter 299 predios de 3.791 metros cadrados. Neste caso, o custo estivo preto dos 600.000 euros.
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
O 14 inaugúrase o Rincón da Poesía, con música de gaitas e concerto de Xuaco Amieva, ademais da presentación de Viaxe a Dacondo I. O 21 terá lugar un recital poético-musical na Casa de Cultura, con música en directo, participación de autores locais, presentación do libro Tu voz en mi voz e homenaxe a Luis Pérez del Súcaro.
Este domingo, 8M, celebrouse un xantar no restaurante O Noso Lar no que participaron máis de 100 mulleres con posterior baile na Casa do Mar.
Reuniu na xornada deste sábado no pavillón de deportes a 700 ximnastas procedentes de diferentes puntos da provincia de Lugo e tamén dun club convidado de Pontevedra. Foi un día intenso de deporte e de convivencia, que tivo unha importante repercusión na hostalería local. Desde o Concello felicitan a todas as participantes, subliñan o traballo da organización (Escola Porta Norte) e agradecen o apoio das entidades colaboradoras.
