Cervo, 05 de xuño de 2018. O Concello de Cervo entregou esta tarde os premios do IX Concurso fotográfico Cervo Respecta, coincidindo co Día do Medio Ambiente.
En total participaron 27 persoas de diferentes puntos de Galicia, que presentaron, en total, 53 fotografías, das cales unha gran cantidade se identifica claramente unha paraxe do noso Concello.
No acto, que tivo lugar na Sala de exposicións das Antigas Carboeiras de Sargadelos, na que xa están expostas todas as fotografías do concurso, participaron, o alcalde de Cervo, Alfonso Villares, e a edil de medio ambiente, Manuela Méndez.
Había catro premios establecidos. O primeiro premio recaeu en Antonio Herrera Huerta, pola fotografía que leva por título Tormenta sobre las Farallóns, que recibiu 50 puntos. Ademais, outorgóuselle o premio Top Cervo concedido á mellor fotografía tomada no noso Concello. Esta instantánea captura o momento exacto no que un lóstrego cae sobre os Farallóns nunha tarde de tormenta.
O segundo premio foi para Jose Jorge Amigo Ventureira (49 puntos), coa foto Burbujas en verde rana. Unha imaxe dunha rá sobre a auga. Esta fotografía empatou con outra a puntos, pero dous dos tres membros do xurado decantáronse por esta.
Ademais, tamén se lle concedeu un premio ao mellor traballo en grupo, que foi outorgado a Asociación de Axuda ao enfermo mental A Mariña.
Villares e Méndez quixeron felicitar aos gañadores e agradecer a súa implicación e grao de compromiso coa contorna “nesta cita xa consolidada no noso Concello, que celebramos con motivo do Día Mundial do Medio Ambiente, que ten lugar cada 5 de xuño”.
O xurado estivo composto por profesionais da fotografía, e a exposición estará aberta ao público durante todo o verán.
O Concello de Cervo entregou os premios do IX Concurso Fotográfico de Medio Ambiente “Cervo Respecta”
Relacionado
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
