Lugo, 5 de xuño de 2019. A Deputada de Promoción Económica e Social en funcións, Sonsoles López Izquierdo, avanzou este mércores, que o servizo de Teleasistencia gratuíto da Deputación, atende a día de hoxe a 1.640 maiores da provincia. Durante os primeiros 5 meses do ano, formalizáronse 159 novas altas e realizáronse, dende o Centro de Atención, un total de 15.083 chamadas de seguimento. A diferencia da Xunta de Galicia, o Executivo Provincial ofrece esta prestación, financiada con máis de 320.000 euros, a persoas catalogadas como dependentes e tamén a usuarios non dependentes.
Esta prestación, garante atención as 24 horas do día e os 365 días do ano a todos os maiores da provincia que teñan dificultades na súa autonomía, favorecendo a permanencia e a integración no entorno familiar e social das persoas usuarias deste servizo. Deste xeito, os beneficiarios e os seus familiares gozan dunha maior tranquilidade sabendo que, a pesar de vivir sos, na maioría dos casos, contan cun sistema de chamada en situacións de emerxencia. Os usuarios reciben un completo seguimento a través de visitas de coordinación ou comunicacións e chamadas diarias, semanais ou quincenais, dependendo da situación do usuario.
O perfil maioritario das persoas que reciben este servizo gratuíto é o de mulleres maiores de 80 anos. Dende o mes de xaneiro, realizáronse un total de 6.546 chamadas, das cales 142 foron por emerxencia; mentres que o Centro de Atención emitiu un total de 15.083 chamadas aos usuarios, co fin de realizar un seguimento personalizado.
Usuarios por comarcas
– Na Comarca da Mariña son un total de 497 usuarios: 11 na Pontenova; 130 en Ribadeo; 19 en Trabada; 30 en Barreiros; 35 en Foz; 17 en Lourenzá; 40 en Mondoñedo; 35 en Alfoz; 24 en Burela; 5 no Valadouro; 10 no Vicedo; 93 en Viveiro; 4 en Xove; 30 de Cervo; 6 en Ourol e 8 usuarios en Riotorto.
– Na Comarca da Terra Chá son un total de 287 usuarios: 12 en Pol; 8 en Meira; 13 en Abadín; 5 en Muras; 29 en Castro de Rei; 17 en Cospeito;30 en Guitiriz; 43 na Pastoriza; 74 en Vilalba; 36 en Xermade e 20 usuarios en Begonte.
– Na Comarca de Lugo son un total de 219 usuarios: 11 en Castroverde; 140 en Lugo; 22 no Corgo; 10 en Friol; 3 en Guntín; 10 en Outeiro de Rei; 4 en Portomarín e 19 usuarios en Rábade.
– Na Comarca da Ulloa e Chantada son un total de 132 usuarios: 11 en Antas de Ulla; 9 en Monterroso; 22 en Palas de Rei; 15 en Carballedo; 53 en Chantada e 22 usuarios en Taboada.
– Na Comarca da Montaña son un total de 88 usuarios: 25 na Fonsagrada; 12 en Baleira; 1 en Negueira de Muñiz; 16 en Baralla; 12 en Becerreá; 8 en Cervantes; 2 en Navia de Suarna; 2 nas Nogais; 2 en Pedrafita do Cebreiro; 4 en Folgoso do Courel e 4 usuarios no Concello de Ribeira de Piquín.
– Na Comarca de Lemos son un total de 312 usuarios: 17 en Bóveda; 116 en Monforte de Lemos; 29 en Pantón; 15 na Pobra do Brollón; 25 no Saviñao; 34 en Sober; 46 en Quiroga e 30 usuarios no Concello de Ribas de Sil.
– Na Comarca de Sarria son un total de 105 usuarios: 13 no Incio; 6 en Láncara; 13 en Paradela; 4 en Samos; 67 en Sarria e 2 usuarios no Concello de Ribas de Sil.
A alcaldesa, Dolores García Caramés, visitouna no seu domicilio para felicitala e entregarlle un ramo de flores en nome de toda a veciñanza. Nada en Sargadelos e veciña de Cervo, foi a máis nova de dez irmáns e desde moi nova traballou no campo e coidou dos animais, sempre cun gran espírito de esforzo. Nai, avoa e bisavoa, a súa familia destaca a súa alegría, enerxía e bo humor. Moi activa ao longo da súa vida, gozaba de viaxar, da praia, de conducir e de participar nas actividades municipais, ademais de cultivar a súa paixón por cantar. Coqueta, sorrinte e cun espírito novo, Benedicta é hoxe un exemplo de vitalidade para todo o municipio.
O Pazo de San Marcos acolleu a conferencia final, de Manuel Andrade Baliño, e a entrega de premios ás alumnas e alumnos que obtiveron mellores valoracións nas probas que realizaron, o xoves, individuais, na Facultade de Formación do Profesorado de Lugo, e o venres, por equipos, en Mondoñedo. A final do certame, cunha axenda complentaria que achegou ás rapazas e rapaces ao patrimonio e á cultura, celebrouse por primeira vez en Lugo da man da Asociación Galega de Profesorado de Matemáticas (Agapema) e coa colaboración da área de Cultura da Vicepresidencia da Deputación.
Por este motivo, o Concello recomenda ás persoas, colectivos e entidades que precisen facer uso dalgunha instalación municipal ou solicitar material que presenten as súas peticións coa antelación necesaria. A medida permitirá organizar adecuadamente a atención das solicitudes e a planificación dos recursos municipais.
Dentro desta programación, o martes 30 de xuño ás 11:00 celebrarase na Casa da Cultura unha charla divulgativa impartida pola astrofísica Lucía González Cuesta, aberta a toda a veciñanza. A iniciativa enmárcase no programa provincial que busca ofrecer información rigorosa e garantir unha observación segura. Durante a xornada repartiranse folletos e gafas homologadas. A alcaldesa, Marta Rouco, destaca o carácter histórico do eclipse e anima a participar para vivilo con seguridade. O Concello lembra que só deben empregarse gafas específicas para mirar ao sol e continuará colaborando en actividades divulgativas e sociais arredor deste acontecemento único.
O obxectivo é facilitar que os mozos e mozas que o desexen poidan facer uso destas instalacións. A medida permitirá empregar o campo para a práctica deportiva e para a organización de partidos informais durante o período estival. Desde o Concello de Viveiro sublíñase a importancia de ofrecer espazos deportivos accesibles durante as vacacións de verán e de favorecer hábitos de lecer activo entre a mocidade.
A convocatoria foi realizada polo Concello para amosar a solidariedade de Ribadeo con esta catástrofe natural.
Renova o seu compromiso co club despois de facerse cargo do equipo a mediados da campaña pasada. O técnico pontenovés afrontará este novo ciclo con traballo, compromiso e ilusión para seguir liderando a nave celeste.
